月喬正宗越南湯粉 (柏樹街)

营业中

休息中

小店店面唔算好大，大概六张桌子，感觉似家庭式经营，所以装修唔会浮夸，实用简约。晚餐繁忙时间，人流不绝，堂食外卖客都有，似乎都好受欢迎㖞。客人可以QR code落单，也可以找店员落单。酸辣凤爪凤爪去左骨都几完整，唔会支离破碎，味道酸酸甜甜，够开胃香茅鸡翼上枱时热辣辣，外皮炸得香脆惹味，一咬开时有爆汁效果，差啲辣亲咀唇，食嘅时候要小心呀。鲜茄鱼饼蟹膏汤檬粉落单时可选择檬粉，河粉或金边粉。今次拣左金边粉，面质滑溜溜，一入口已经sir入喉咙。蕃茄汤味浓郁，亦有新鲜蕃茄肉，仲有虾米仔同肉碎，使汤更有鲜味。重点系碗汤粉超大碗，两个人分享，每人可有三至四小碗，加上配料鱼饼，扎肉同虾，份量十足。越式法国面包面包馅料拣左扎肉，估唔到都好大份。以为法包会比较硬，咁就错啦。法包表面烘得干脆，内里软熟，配合埋扎肉，青瓜丝，沙律酱，有咬口得黎又唔会太干，系my favourite呀。咸柠七够cool，够清凉呢餐价钱唔贵，但份量却大大份，食完之后，真系肚腩都突左出黎，好抵食呀。