湖南老家飯店

营业中

休息中

食晏日日都食𠮶几间开始有啲闷，咁啱行过呢间铺头楼下派宣传单张，见到有新嘢食即刻去试吓啦！我哋一行三人充满好奇咁上左呢间餐厅，上到去真系几有中国风味，因为首先见到天花板有好多灯笼，同埋有毛泽东石像。。呢度嘅抽油烟机系统真系有啲差，劲大浸炒𩠌嘅味道攻出嚟，一闻就闻到系炒辣椒嘅味道，真系充满四川嘅风味🤩🤩🤩🤩我地嗌左酸菜猪耳米线，酸菜牛腩米线，酸菜炒肉沫木桶饭，嘢饮就系汽水𠮶啲啦，自己喺雪柜拎，自助形式，讲个信字！！首先嚟咗个酸菜猪耳米线，真系超级有惊喜㖞，首先啲米线唔会好淋，好爽身，系我钟意嘅un度，啲猪耳同酸菜炒左先放上米线度，相当入味，系四川嘅味道，饮埋啖汤真系冇得顶，佢同出边米线嘅汤底有啲唔同，系浓郁嘅酸辣味道，我好钟意呀！！然后到酸菜木桶饭，又系有惊喜，首先好钟意佢个木桶形式上枱，唔识得都睇得先啦嘛，酸菜同肉沫真系相当夹，点解啲饭得咁少㗎，完全唔够𩠌饭，因为实在太好味，我其实唔系好食得辣但系都接受到呢种辣度🤭🤭🤭🤩🤩🤩🤩最后唔够喉，再嗌多咗个酸菜牛腩米线！