告白果屋 (已結業)

落车成日经过呢间「告白果屋」，睇下menu啲野饮都几搞鬼。周街都系台式饮料店，饮都饮到厌，行过就试下呢间新鲜果汁。价钱唔算抵，新鲜果汁嚟讲算系咁，选择唔多但组合都算新颖，不过佢两杯优惠嘅饮品只限同款，即使同价钱都唔可以两杯唔同，有啲唔识变通。我拣左「恐龙遇上喷火龙」同埋「SA-WA-DEE-KA」，份量上细杯咗少少，但都有心机砌到靓靓比你，店舖仲有啲装饰位，啱晒打卡呃like。杯「SA-WA-DEE-KA」系芒果苹果香蕉椰奶牛奶，饮落都知真材实料唔系沟水，不过味道太淡唔够浓，唔算好饮，唔会返嗌。(6.5/10分)而「恐龙遇上喷火龙」系火龙果苹果提子，颜色都几吓人，不过味道ok，火龙果味浓，不过不失。(7/10分)整体尚可，价钱还好，胜在真材实料用心制作。