好蔡館

营业中

休息中

好几年前到访过好蔡馆两次，觉得食物质素都唔错，老板会出嚟同客人吹水、交流吓美食心得。事隔几年，好蔡馆愈来愈多人提及，可幸嘅系水准冇变👍🏻就连人手写系板到嘅是日精选都一样咁潦草，每次都好似验眼咁估系乜字🤪正宗潮州蚝烙其实系用烙嘅烹调方式，慢火煎至金黄色，咁样先至会保留到蚝仔嘅鲜味。香脆得嚟唔会得炸粉，蚝仔份量多之余，仲大大粒。另外，蒸花甲亦系招牌菜，卖相讨好，而花甲壳处理好晒，花甲冇沙又入味，味道唔会过咸🐚卤水拼盘又系必点，唔太食嘅部位可以直接同待应讲，佢会帮你预份量。鹅肝质感嫩滑，鹅肠处理得干干净净。潮州鱼饭并唔系鱼加白饭，只系潮州人𩠌菜要嚟伴饭🐟将新鲜鱼处理好内脏，洗净抹干水后，唔使去鳞直接用粗盐腌，腌完洗干净直接蒸再摊冻。当日潮州鱼饭系冻马友，唔算多鱼骨，肉质细嫩，油脂较丰富，所以鱼味突出，加上腌过后味道更甘香👍🏻韮菜粿同笋菜粿真系第一次试，皮唔算厚又软，两者味道都唔错，笋菜粿会比较特别。咸柠檬鸭汤冇用味精炖嘅关系，味道相当清淡，咸菜胡椒猪肚汤就较浓味，几适合冬天饮。反沙芋味道几好，略嫌芋头口感偏实，食一块已经滞咗🫣花甲(中) $298潮州虾枣$198潮州蚝烙 $128手打墨鱼腐炆