喜相逢 (砵蘭街)

营业中

休息中

话说男朋友钟意食饺子，今日经过太子 砵兰街发现左一间新开饺子店，好似日头系食上海野夜晚系食西餐。门面装修好有古代feel,入到去似西餐bar restaurant 咁，中西合璧！一坐低个店员好好服务好有亲切咁介绍店入边有咩招牌菜，仲推介我哋可以叫个双拼饺子鸳鸯戏水减$5有个套餐就叫咗一支豆浆饮。双拼饺子有八只，我哋要咗韭菜猪肉同埋西洋菜猪肉饺配麻辣汤。食得出啲饺子好新鲜系老板娘人手每日手包饺子，入边馅料都好丰富，绝对唔会面粉过厚！之后老板娘仲推介我哋食糖心皮蛋，话香港唔系度度都食到！口感比较特别，皮蛋系半透明啫喱咁，入边𠮶个蛋黄系有少少糖心，好食过谭仔！之后服务员仲推介我哋叫个醉鸡，醉鸡淹得好香酒味，鸡件嫩滑多肉。最后我哋仲叫咗个麻辣凉皮，佢啲凉皮似系薯粉咁样烟烟un un捞埋啲麻辣汁好开胃惹味！整体价钱亲民好大众化，高性价比之选！