Channel 3 Tapas Bar & Restaurant

营业中

休息中

同FD想揾间酒吧庆祝下，佢推荐咗哩间西班牙酒吧，咁试试啦。酒吧装修得唔错，环境都唔算嘈，OK。坐低会送上餐前小食Nachos，系粟米片，搭配埋沙律酱，送酒唔错，仲可以无限refill添。Cinderella，几好睇啲一杯mocktail，饮落橙汁味好重同埋好清爽，唔错。热拿铁，咖啡味好香浓，好饮。香煎和牛舌配番茄莎莎，牛舌煎得好香口，简单落咗少少调味已经好够味，搭配埋番茄莎莎一齐食，一流。即刨帕尔马火腿配香脆多士，估唔到哩份火腿都几大一份，多士焗到脆啵啵，仲搭配埋腌制橄榄，简直系送酒最佳搭配。西班牙小食拼盘，有辣肉肠，忌廉芝士烟三文鱼波，黑松露酱薯条同招牌炸鸡翼。辣肉肠都几多下，同蒜片一齐炒，好惹味，仲搭配埋沙律酱，食落又系另一种风味。忌廉芝士烟三文鱼波, 烟三文鱼包裹住芝士，食落好特别。鸡翼炸到脆啵啵，里面仲好juice。薯条真系好香口，全部食晒。简单几份小食，搭配埋啲嘢饮，已经好足够，再同FD吹下水，真系好chill！