影片
更多
2024-06-09
2622 浏览
行经太子醒起前排好多人讲呢间开心果嘅中式甜品，所以就入去试下。舖头装修十分传统，但整体阔落舒服，墙身贴满报道、奖牌同餐牌食材。我地一心黎食开心果甜品，所叫叫晒开心果糕同开心果糊，另外再试埋个菊花马蹄糕。菊花马蹄糕，开心果糕糕款会倒落碟上面再一开四，方便share黎食。糕嘅质地好’动L’，好弹。菊花马蹄糕好清香，对比新年食果啲马蹄糕，多咗一份后劲淡淡嘅菊花香，糕入面有几粒马蹄，但略嫌少咗啲，个人比较钟意有多少少马蹄碎会有多啲口感。另外开心果糕几浓开心果味，甜度适中，觉得比开心果糊更好食。每啖都似食到好多开心果磨成浆咁，但因为佢纯粹得个糕，冇其他果仁碎，所以食落单一咗啲。开心果糊舖头写明开心果糊系用伊朗嘅开心果出品，唔知系咪因为咁，所以定价都好进取。上到枱先知原来系热嘅，出晒烟。只色同开心果糕一样咁绿，质地就好杰，搅起身仲杰过平时啲芝麻糊。食落第一啖冇乜味，要食多几啖先有淡淡嘅开心果味，整体唔太甜，亦冇啲好假嘅开心果味，但食到一半就开始有啲好似搅唔匀而出现嘅粉粒，食到最低因为已经冻咗，由原本嘅糊变到稀咗。个人黎讲，如果想食开心果甜品止下瘾，可以选择开心果糕，价钱合理啲，味道亦都浓啲，开心果
舖头装修十分传统，但整体阔落舒服，墙身贴满报道、奖牌同餐牌食材。
我地一心黎食开心果甜品，所叫叫晒开心果糕同开心果糊，另外再试埋个菊花马蹄糕。
开心果糊 & 菊花马蹄糕 & 开心果糕
213 浏览
0 赞好
0 留言
菊花马蹄糕，开心果糕
糕款会倒落碟上面再一开四，方便share黎食。糕嘅质地好’动L’，好弹。菊花马蹄糕好清香，对比新年食果啲马蹄糕，多咗一份后劲淡淡嘅菊花香，糕入面有几粒马蹄，但略嫌少咗啲，个人比较钟意有多少少马蹄碎会有多啲口感。另外开心果糕几浓开心果味，甜度适中，觉得比开心果糊更好食。每啖都似食到好多开心果磨成浆咁，但因为佢纯粹得个糕，冇其他果仁碎，所以食落单一咗啲。
开心果糊
$44
159 浏览
0 赞好
0 留言
开心果糊
舖头写明开心果糊系用伊朗嘅开心果出品，唔知系咪因为咁，所以定价都好进取。上到枱先知原来系热嘅，出晒烟。只色同开心果糕一样咁绿，质地就好杰，搅起身仲杰过平时啲芝麻糊。食落第一啖冇乜味，要食多几啖先有淡淡嘅开心果味，整体唔太甜，亦冇啲好假嘅开心果味，但食到一半就开始有啲好似搅唔匀而出现嘅粉粒，食到最低因为已经冻咗，由原本嘅糊变到稀咗。
个人黎讲，如果想食开心果甜品止下瘾，可以选择开心果糕，价钱合理啲，味道亦都浓啲，开心果糊就真系唔建议食(44蚊一碗，我宁愿食2个开心果糕)。而糕嘅size虽然唔算大，但少食多滋味，夏天入黎坐下食两件糕其实唔错。我见餐牌都仲有其他中式糖水、贵价啲嘅补品、粉面同主食。
张贴
