影片
更多
2024-12-04
154 浏览
饿居 Hungry Izakaya📍太子砵兰街440号地舖又到咗Happy Friday，我同朋友再次走入太子揾食，今次就去咗一间当区街坊推介嘅小店，一间有樱花树嘅居酒屋—饿居。虽然只得一个店员招待客人，但服务质素都叫唔错，店员有礼，客人亦好配合，自动自觉用QR code落单，自助浸水等。我会嚟呢一间餐厅主要系因为早排喺社交平台碌到人哋介绍嘅post，唔知点解见到条鲷鱼烧就好有兴趣嚟试吓，无意中发掘到有其他同样值得介绍嘅菜式。 💰$32大大块流心芝士麦乐鸡 🫕爱食麦乐鸡嘅朋友一定一定要叫块大大块流心芝士麦乐鸡试试！佢嘅调味同麦乐鸡近乎一样，肉质嫩滑多汁，外皮炸得香脆，切开一半时，内面嘅芝士不停流出，咸咸香香劲滋味！ 💰$68浓厚明太子酱捞乌冬 🍝小店招牌菜之一嘅捞乌冬果然名不虚传，选用较幼身嘅乌冬，令每一吋乌冬都可以沾满明太子酱同蟹籽。乌冬口感Q软，明太子酱浓烈，感觉清新轻盈，食多啖都无负担！ 💰$68博多魂・黑蒜油猪骨拉面 🍜偏港风嘅日式猪骨拉面材料满满，有海量樱花虾、粟米、蛋丝同笋片点缀。主角叉烧片无咩肥肉，烤后有阵阵肉香，好味！拉面无得选择软硬度，不过软硬适中，面质弹牙，加上黑蒜
📍太子砵兰街440号地舖
又到咗Happy Friday，我同朋友再次走入太子揾食，今次就去咗一间当区街坊推介嘅小店，一间有樱花树嘅居酒屋—饿居。虽然只得一个店员招待客人，但服务质素都叫唔错，店员有礼，客人亦好配合，自动自觉用QR code落单，自助浸水等。
我会嚟呢一间餐厅主要系因为早排喺社交平台碌到人哋介绍嘅post，唔知点解见到条鲷鱼烧就好有兴趣嚟试吓，无意中发掘到有其他同样值得介绍嘅菜式。
[价钱 Price] 💰$32
大大块流心芝士麦乐鸡 🫕
爱食麦乐鸡嘅朋友一定一定要叫块大大块流心芝士麦乐鸡试试！佢嘅调味同麦乐鸡近乎一样，肉质嫩滑多汁，外皮炸得香脆，切开一半时，内面嘅芝士不停流出，咸咸香香劲滋味！
[价钱 Price] 💰$68
浓厚明太子酱捞乌冬 🍝
小店招牌菜之一嘅捞乌冬果然名不虚传，选用较幼身嘅乌冬，令每一吋乌冬都可以沾满明太子酱同蟹籽。乌冬口感Q软，明太子酱浓烈，感觉清新轻盈，食多啖都无负担！
[价钱 Price] 💰$68
博多魂・黑蒜油猪骨拉面 🍜
偏港风嘅日式猪骨拉面材料满满，有海量樱花虾、粟米、蛋丝同笋片点缀。主角叉烧片无咩肥肉，烤后有阵阵肉香，好味！拉面无得选择软硬度，不过软硬适中，面质弹牙，加上黑蒜油加乘，我哋好快清空一碗！
[价钱 Price] 💰$98
厚烧玉子三重奏 🍳
另一名物系厚烧玉子，主打六种口味，一份可以选三种，我哋拣咗海胆酱、明太子酱同蜜糖芥末。整体卖相超吸引，啲酱料亦俾得毫不手软。我最爱明太子酱，咸鲜调味配清甜玉子，夹到不得了！而朋友就最爱海胆酱，认为味道好似浓缩多板海胆咁正，大家嚟到都可以试试！
[价钱 Price] 💰$39
法式蒙布朗-意大利栗子 🌰
甜品一人嚟一客，第一款拣咗栗子Mont Blanc，栗子甘香清甜，内馅冰冻如雪糕，一啲都唔腻，呢个价钱嚟讲，真系超值！
[价钱 Price] 💰$39
红豆鲷鱼烧 🐟
第二款系吸引我嚟呢度食晩餐嘅鲷鱼烧，内有满满红豆馅，甜味天然，表皮香脆，用竹篮上非常得意，打卡必叫！
[价钱 Price] 💰$78
鲜柠蜂蜜有气果酒 🍯
朋友好耐无去居酒屋，一嚟到就例牌叫般杯sour嚟饮。可能真系好耐无饮，一饮就赞口不绝，除咗赞佢透心凉之外，仲赞佢调得好正宗，真正还原到日本sour嘅味道！
[价钱 Price] 💰$27
木村柚子梳打汔水 🍊
我就叫咗枝福冈进口嘅柚子梳打汔水，标榜以富士山万年水制作，配上清新芳香嘅日本柚子，味道十分清爽！
张贴
