影片
更多
2024-03-22
258 浏览
🐻今晚朋友聚会8位猛男聚首一堂，系容记小菜王订左枱食饭聚旧，回顾下往事。🐻一走入小菜王，就感受到老派中菜馆既气息，装修枱櫈都充满年代感又不失整洁，一列鱼缸满载新鲜生猛既海鲜，一副不卖弄华丽既装修摆设，只重视𩠌菜品质的模样。🐻前菜先来蜜汁叉烧皇同脆皮烧腩肉，叉烧肥瘦适中，烧得香口，口感一流，蜜汁味又唔会太抢肉味，美中不足系切得太大旧。烧肉做到皮脆肉嫩，肥肉位烧完入口无油腻感只剩下香浓肉香，值得一赞。🐻成班麻甩佬食饭当然要下酒菜，一道七味脆皮豆腐金黄色，做到外脆内软，而容记第一咀梗系必点，薄薄既脆浆包住饱满既墨鱼咀，真系惹味非常，食完饮啖酒，一个字，爽！🐻之前两道烧味太出色，所以加点脆皮皇子乳猪同脆皮一品吊烧鸡。平时饮宴食既乳猪质素欠佳，今晚既乳猪真系食完番寻味，脆皮配上香浓肥肉加嫩滑既瘦肉，真系三层享受。吊烧鸡外表吸引，外皮够干身脆口，不过鸡肉烧到有啲柴口，略感失望。🐻食左咁多肉当然要整返个菜，翡翠花姿珊瑚蚌配西兰花，西兰花爽脆有口感，花姿同蚌就一般货色。再来个蒜蓉开边蒸中虾，中虾个头太小，蒜蓉份量多到掩盖只中虾，食落好似食蒜蓉咁。🐻食到咁上下都系要点下酒菜，弹牙鲜虾饼虾肉的确弹牙，奇怪
🐻一走入小菜王，就感受到老派中菜馆既气息，装修枱櫈都充满年代感又不失整洁，一列鱼缸满载新鲜生猛既海鲜，一副不卖弄华丽既装修摆设，只重视𩠌菜品质的模样。
🐻前菜先来蜜汁叉烧皇同脆皮烧腩肉，叉烧肥瘦适中，烧得香口，口感一流，蜜汁味又唔会太抢肉味，美中不足系切得太大旧。烧肉做到皮脆肉嫩，肥肉位烧完入口无油腻感只剩下香浓肉香，值得一赞。
🐻成班麻甩佬食饭当然要下酒菜，一道七味脆皮豆腐金黄色，做到外脆内软，而容记第一咀梗系必点，薄薄既脆浆包住饱满既墨鱼咀，真系惹味非常，食完饮啖酒，一个字，爽！
🐻之前两道烧味太出色，所以加点脆皮皇子乳猪同脆皮一品吊烧鸡。平时饮宴食既乳猪质素欠佳，今晚既乳猪真系食完番寻味，脆皮配上香浓肥肉加嫩滑既瘦肉，真系三层享受。吊烧鸡外表吸引，外皮够干身脆口，不过鸡肉烧到有啲柴口，略感失望。
🐻食左咁多肉当然要整返个菜，翡翠花姿珊瑚蚌配西兰花，西兰花爽脆有口感，花姿同蚌就一般货色。再来个蒜蓉开边蒸中虾，中虾个头太小，蒜蓉份量多到掩盖只中虾，食落好似食蒜蓉咁。
🐻食到咁上下都系要点下酒菜，弹牙鲜虾饼虾肉的确弹牙，奇怪在食落好重咸香味，完全遮盖虾肉既味道，味道有啲奇特。幸好黄金鲜鱿挽回分数，容记既炸物真系出色，炸粉薄脆配上咸香蛋黄，咬开脆皮就系弹牙既鱿鱼，一道完美既下酒菜。
🐻8个大男人饮饱食醉都系300零蚊一位，虽然有个别菜式失准，但总括来讲都系有质素，容记小菜王都系值得一试。
张贴
