Channel 3 Tapas Bar & Restaurant

营业中

休息中

放工其中一件最开心既事莫过于就系同朋友去饮下酒，吹下水。今次就同朋友黎到太子依间酒吧食晚饭。餐厅既气氛唔错，服务亦都好好，而且饮品选择多。我地一坐底职员就送上小食同埋一碗sour cream比我地点。我地趁住餐厅既happy hour，叫左一杯Edelweiss同一杯Pinacolada。啤酒十分冰冻，味道偏淡，苦涩味小，带果香同花香。Pinacolada好滑，带菠萝嘅甜味，几好饮。嘢食方面，叫左一个德国传统火焰pizza，一个板烧西班牙黑豚肉 同埋一个西班牙鸡肉辣肉肠烩饭。德国传统火焰pizza出场十分震撼，服务员喺面头喷上酒精，之后点火，整个场面好壮观。味道方面，pizza面舖左厚厚既芝士，入面仲有肉碎，几好食。板烧西班牙黑豚肉摆盘好靓，除左猪肉，仲有炸番薯同埋沙律菜。西班牙黑豚肉烧得几好味几冧，配埋酱汁黎食一流。炸番薯条炸得几香，略带甜味。西班牙鸡肉辣肉肠烩饭份量好大，鸡肉同辣肉肠都多，饭亦都软硬适中，十分饱肚。值得一提既系酒吧都好贴心，虽然我地系happy hour last order既时候叫多左一杯啤酒，但系职员见我地之前个杯仲未饮完，就比左张单我地，话等我地饮完再送过黎。