慢煮工業 (已結業)

呢间餐厅长期处于高人气之列，佢有2间分店，2间都喺太子区，但食既野会有啲唔同。今次就试左太子道西果间细铺先。满蚬肉蝴蝶粉 $88 ⭐️必食⭐️一上枱果下真系哗～一声，真系满满既蚬肉，而且份量唔细，绝对够2个人食，蚬肉粒粒丰满又冇沙，蝴蝶粉又挂到汁，个汁又够惹味，黎到绝对要叫。菲力牛扒配芝士 $108同一个价钱既有安格斯牛扒可以拣，但因为安格斯牛坊间较常见，所以点左呢款菲力牛扒黎试。上枱牛扒我谂约150g左右，以蒜蓉牛油+迷迭香煎香，牛扒松软又重牛味，配埋芝士就会有小小咸香味。黎呢间餐厅建议book位，因为用饍期间如果冇book位，餐厅都未必安排到入座架！