影片
更多
2018-03-23
1813 浏览
咖啡店向来都喺小弟喜欢到访嘅餐厅类别，除咗可以叹到啲靓咖啡之外，大多数嚟讲，环境都够别致，让人感到宁舍舒服，无拘束感。故此，约咗朋友趁快乐周五，轻松食餐饭，叹叹咖啡。拣咗Cafe Prince Royal，纯粹跟朋友都就脚，就晌太子地铁附近，再者，之前睇过啲食评，餐厅内嘅环境好唔错，装修花咗唔少心思，天花嘅屋顶架、墙上嘅油画、大量小盆栽、别致嘅小挂灯……文青得嚟，又有点北欧风！餐具已放晌枱上，但清水、餐碟、调味料则放晒晌收银机旁嘅地柜，自由取用。顺带一提，啲餐碟每只有唔同图案，可以讲喺得意可爱。翻一翻餐厅，虽然食物选择唔太多，但以咖啡店而言，算喺咁上下啦，有全日早餐、意大利面、多士 / 牛角包及沙律。不过，晚市就不设套餐，全部都要散点。就算有啲套餐，都只喺晌啲非繁忙嘅时间供应。仲有另一页餐厅牌，唔使多讲，既然喺咖啡店，就梗喺卖咖啡啦，以及一啲花果茶、风味鲜奶、朱古力、梳打……等等。至于甜品，有咩供应就晌晒个饼柜里面，是晚所见，就有3款蛋糕。本来都好有兴致餐后尝甜，不过，发生咗啲小插曲，成餐饭食得唔太开心，甜品都无试，食完就走人。经典大早餐 $98拣啲全日早餐，纯粹贪佢多嘢食，的确喺几丰
拣咗Cafe Prince Royal，纯粹跟朋友都就脚，就晌太子地铁附近，再者，之前睇过啲食评，餐厅内嘅环境好唔错，装修花咗唔少心思，天花嘅屋顶架、墙上嘅油画、大量小盆栽、别致嘅小挂灯……文青得嚟，又有点北欧风！
餐具已放晌枱上，但清水、餐碟、调味料则放晒晌收银机旁嘅地柜，自由取用。
顺带一提，啲餐碟每只有唔同图案，可以讲喺得意可爱。
翻一翻餐厅，虽然食物选择唔太多，但以咖啡店而言，算喺咁上下啦，有全日早餐、意大利面、多士 / 牛角包及沙律。不过，晚市就不设套餐，全部都要散点。
就算有啲套餐，都只喺晌啲非繁忙嘅时间供应。
仲有另一页餐厅牌，唔使多讲，既然喺咖啡店，就梗喺卖咖啡啦，以及一啲花果茶、风味鲜奶、朱古力、梳打……等等。
至于甜品，有咩供应就晌晒个饼柜里面，是晚所见，就有3款蛋糕。本来都好有兴致餐后尝甜，不过，发生咗啲小插曲，成餐饭食得唔太开心，甜品都无试，食完就走人。
经典大早餐 $98拣啲全日早餐，纯粹贪佢多嘢食，的确喺几丰富嘅，一大碟有菠兰肠、德国肠、芝士大蘑菇、烟肉、太阳蛋、沙律菜、茄汁豆、意大利香草包，睇得出用料都唔差，好似德国肠用上大条嘅猪肉肠，烟肉又唔会肥膏多过肉，睇落都吸引。味道整体都真喺唔错，大蘑菇爽口多汁，香草包松软富香草香，又够晒份量。
自家制南瓜汁肉丸意大利粉 $78睇见「自家制」就投以其信心一票，虽然睇样好似普通啲，但啲肉丸入口真喺好唔同，非雪藏货可比，有肉香，口感松化，唔会雪到死实；意粉亦有点儿咬口，南瓜汁清甜，但个人就觉得稍杰，口应比较浆，有过黏嘅感觉。
鲜奶咖啡 $34讲明嚟叹咖啡，就梗喺点一杯至喜欢嘅鲜奶咖啡，天鹅拉花好细致，无需加糖，入口口感已感到好平衡，咖啡嘅香味亦好顺和，奶泡撞入咖啡嘅手势好唔错。唯一挑剔，咖啡嘅醇香度有点淡薄啫。
英式蜜桃茶 $45花果茶以深湖水绿茶壶盛上，更加上小巧木托盘，显得精致，而花果茶都喺以茶包冲泡，见啲茶包放晌柜枱，可作零售，而茶嘅味道，友人话只喺不过不失，比预期淡口，亦欠果香。
成间店嘅硬件配套好好，环境、装潢、杯碟都喺店主嘅心思；然而，软件唔得，成晚所见，得一个员工，落单喺佢，煮菜泡咖啡喺佢，上菜收拾亦喺佢，相信洗碗都应该得佢，唔知喺咪咁，啲服务态度呢……！
张贴
