慢煮工業 (已結業)

其實喺太子搵間好野食，並唔係一件難事！再次黎到以慢煮主題💛嘅西餐廳食個好西，系夜幕低垂嘅大街中，好容易上就見到紫光色嘅招牌。樓上鋪鋪面面積夠大，行重工業風裝修，燈光昏暗，效果好正，系度拍拖食飯都幾浪漫。用QR code 落單，之後侍應就會送上食物，停下來慢慢欣賞慢煮嘅味道。食物種類好多，有慢煮扒類、薄餅等，小至炸薯條炸物、小吃、沙律都有。💛美式蜜塘芥末豬仔脾(4件)($98)---必食之選性價比超高，一來有好香嘅豬仔脾燒烤嘅味道，二來切開肉質亦有少許紅色，一啲都唔會鞋口。肉多過骨。配上芥末醬勁惹味又帶點微辣，以慢煮出品確實唔同啲！呢度菜式比想像中出色。💛夏威夷薄餅 (8件)$128賣相吸引之餘，薄批關係入口好脆口，而火腿同批底比例啱啱好，又香濃嘅芝士味。💛黑松露芝士通心粉($108)上碟已經聞到黑松露嘅香味，粒粒通心粉撈滿芝士汁， 仲有一片片巴馬臣芝士。鐘意食芝士嘅朋友仔唔好錯過。💛NewYork芝士蛋糕香濃嘅芝士味，甜度適中。Cncl.:價位非常親民，份量夠多，一直都我向朋友推薦嘅好餐廳。絕對系可encore嘅餐廳，而佢地仲有好多推介菜式，我都未試食勻。