+5ºC 手抓餅專門店 (已結業)

太安楼出名多好嘢食，呢间手抓饼网上面都好多人话好食，仲有网媒推介过，今日就试一试佢！1点去到，老板已经密密接单密密做，铺头亦放满晒面团，应该系自己搓面做个皮，handmade正啊🤩个饼底系要$18，加𩠌系要逐样加钱。🍴手抓饼 加咗芝士 蛋 鸡肉 (加咗辣椒粉同沙律酱)$41热辣辣，即叫即整，拎上手啲𩠌嘅份量好少，一块芝士，一只蛋，劲少鸡肉，应该得5,6条幼条😂个皮好好食，外皮好脆又松化，内层系软，口感烟韧，食到个皮系一层层，唔会好油！蛋同芝士系正常味，冇特别香蛋味同浓芝士，而啲鸡肉肉质系干，微辣，唔系好有味，浪费咗咁好食嘅皮😮‍💨个酱系沙律酱加蜜糖，系香甜好食，辣粉都够香嘅。推荐指数: 6/10真心有6分系因为个皮超好食，啲𩠌就麻麻地，又贵份量又少，可能叫啲现成肠仔烟肉会惹味好多，个人觉得整体偏贵，唔会推介，想试个皮可以食下，但唔好叫鸡肉，真心葵广慧食猫抵食又好食得多。