太興 (已結業)

刚开张既太兴，住丽港城既居民期待已久，所以每次有新食肆开张都客似云来。太兴个名对我来烧味讲可以话系冇得输，有次收工晏咗谂住可以同老公食烧味饭。我食个叉鸡饭，老公食烧肉烧鹅饭。放系我张台既叉鸡饭叉烧瘦到呢，干真真，切鸡又鞋。老公个烧肉鹅饭等咗成15分钟先食到，以为好正，点知上台骨多过肉。谂住今日又比多次机会佢喇，唔食烧味，食小菜。叫咗个蒸肉饼及通菜炒牛肉，碟肉饼上台后我同老公都愕咗然！点解碟肉饼可以薄得咁紧要，太过分，几啖食哂了！通菜牛肉好咸，碟头一般但偏细碟。我地一对夫妇都唔够食，更何况有小朋友家庭。屋村食肆系做街坊生意，仲要佢地收并非一般茶餐厅价钱，收得贵又唔好食仲要咁细碟，迟早玩完。我宁愿帮亲隔离新景象，两个人一百蚊有找有，汤有饭有嘢饮！