影片
更多
2015-09-16
4308 浏览
平时去太平馆多数系晚餐时间, 好少会午饭时间去. 今次就因为喺午餐时间去, 所以试到啲平时好少会 order 嘅嘢. 去太平馆嘅话, 多数会叫冇得输嘅瑞士汁鸡翼, 瑞士汁炒牛河等, 但今次决定试啲比较少会系晚餐主餐牌上会叫嘅嘢食, 结果主食方面拣咗烚咸牛脷饭同咖哩虾球意粉(可选饭或意粉). Lunch set 除主食外, 仲有汤(罗宋汤或粟米忌廉汤)或鲜蔬沙律, 及餐饮. 随餐汤附上的甜餐包, 餐包微热, 涂上牛油后食, 回忆中的味道. 罗宋汤, 微酸, 微辣, 好惹味开胃, 汤身稀杰适中, 蔬菜煲到好软, 好味. 咖哩比想像中同睇到嘅辣, 咖哩味香浓, 虾球系炸过嘅, 但当然唔系即叫即炸, 所以系啉的, 但都 ok. 薯仔系用焗薯嘅薯仔, 口感系黏而唔系粉, 同咖哩好夹.烚咸牛脷系第一次食, 卖相很清, 碟𩠌一上枱你会有少少心里一沉 feel, 谂紧大镬, 会唔会同白烚冇分别? 但当你咬第一啖时, 双眼就会碌大 ... e ... 好味㖞, 盐腌嘅咸味啱啱好, 牛脷又够厚切, 啖啖肉, 咸得嚟感觉又好清, 用嚟送饭都唔会因为冇汁而觉得 dry, 真系惊喜嘅新发现. 餐饮不是太平馆嘅卖
去太平馆嘅话, 多数会叫冇得输嘅瑞士汁鸡翼, 瑞士汁炒牛河等, 但今次决定试啲比较少会系晚餐主餐牌上会叫嘅嘢食, 结果主食方面拣咗烚咸牛脷饭同咖哩虾球意粉(可选饭或意粉).
Lunch set 除主食外, 仲有汤(罗宋汤或粟米忌廉汤)或鲜蔬沙律, 及餐饮.
随餐汤附上的甜餐包, 餐包微热, 涂上牛油后食, 回忆中的味道.
罗宋汤, 微酸, 微辣, 好惹味开胃, 汤身稀杰适中, 蔬菜煲到好软, 好味.
咖哩比想像中同睇到嘅辣, 咖哩味香浓, 虾球系炸过嘅, 但当然唔系即叫即炸, 所以系啉的, 但都 ok. 薯仔系用焗薯嘅薯仔, 口感系黏而唔系粉, 同咖哩好夹.
烚咸牛脷系第一次食, 卖相很清, 碟𩠌一上枱你会有少少心里一沉 feel, 谂紧大镬, 会唔会同白烚冇分别? 但当你咬第一啖时, 双眼就会碌大 ... e ... 好味㖞, 盐腌嘅咸味啱啱好, 牛脷又够厚切, 啖啖肉, 咸得嚟感觉又好清, 用嚟送饭都唔会因为冇汁而觉得 dry, 真系惊喜嘅新发现.
餐饮不是太平馆嘅卖点, 冻咖啡冻柠茶不过不失啦.
好有 feel 嘅旧相, 低调地提提你餐厅嘅实力.
虽然, 好味嘅程度有别于餐厅出名嘅大热菜式, 但有时, 就算帮衬同一间餐厅, 都要跳出匡匡, 试多啲餐厅嘅其它菜色, 咁先可以了解多啲餐厅嘅'食力'. 张贴
