Cafe Fabulous

营业中

休息中

呢期好多食肆都仲做紧外卖自取优惠，上app望吓附近餐厅，呢间买满$100已经六折！太吸引！立即落单，转头就上去拎。佢个二人套餐由原本$318 ，减到变$190 ，真系太抵了。首先小食拣咗芝士鸡翼，有三只都几肥美，加埋芝士汁喺面头，好味呀。主菜有焗自家制芝士肉酱意粉，芝士都几多，捞埋肉酱，味道一流！意粉都几入味。仲有一个芝士白汁焗鸭胸意粉，都一样有啲芝士系面头，鸭胸都好味，相比之下我就钟意肉酱意粉多啲。二人餐仲包两杯饮品，要咗一杯冻热情果红茶和冻苹果绿茶，好大杯又够冻，唔错。上到嚟先发现，呢间Cafe其实都几大，左右两边唔同style，可以坐好多人，有机会再过嚟先。