太湖海鮮城

营业中

休息中

相信今晚好多人都会出街食饭，食完就一齐倒数，阿爸话想食完饭全家一齐去倒数，阿妈话想食海鲜，好啦，咁我就话去太湖海鲜城食啦，以前食过一次觉得价钱同食物出品都可以。讲明食海鲜，当然唔少得龙虾啦，我地点左个龙虾伊面，分量都算大，龙虾都可以，D面吸收左虾嘅鲜味，食落都唔错，不过无咩特别之处。女人都贪靓，点左个花胶汤嚟补补，花胶都算多，唔系果种得一两件果D，煲得都算浓，价钱亲民。嚟呢度嘅朋友一定要试试姜米活鱼炒饭，好好食，鱼肉好鱼嫩，饭又炒得粒粒分明，味道好特别，每次都必点。南瓜粥系阿妈点嘅，我以为味道唔会好，点知又有点意料之外，粥嘅浓稠度刚刚好，再加上南瓜本来就有的甜味，可以比到少少惊喜，中意食南瓜粥嘅可以尝试下。