影片
更多
2017-08-06
21152 浏览
继年初嘅蛇宴，一拖再拖嘅死佬饭局卒之搞得成，晌大家咁百忙之中都夹到一日，真喺难能可贵，今次仲要「夫添」齐晒16件死佬，一个都不能少呀，真多谢各位大佬俾面出席。以往年中嘅饭局都会搞入三圣食海鲜，不过，连续3年入咗3次大家都有啲闷，今回就回归市区，揾间酒楼包个房，等我哋点嘈都得，有死佬建议嚟「海港」，因为有抵食嘅阿拉斯加长脚蟹。虽然成日话市道唔好，饮食席生意难做，但今晚（周五）嚟到，成个大厅座无虚席，门口亦有少量人等位。由电话联络问订房详情、最低消费、全包宴资料……等等，都遇到好多问题，佢哋啲回覆次次唔同，对外发放嘅资讯都几乱。最后，就喺拣咗一个「贺寿全包宴」$3,880（星期一至五），算喺包房嘅基本入场费。包茶芥加一，我哋多4位，都无额外收，另送红酒一支加汽水6罐，额外叫嘅汽水，就收番大堂价$10罐。不过，一围菜绝对唔够我哋16个麻甩佬食，所以，另外加菜，而入房嘅所有小菜、炒粉饭面都要另加$20一碟，额外嘅食物亦会收番加一。影埋个主餐牌及精选餐牌俾大家参考，人少嚟食啲精选套餐都唔错。所包嘅房唔喺好大，紧紧好摆到张加大嘅16人枱，多一个都已经摄唔到。人齐开席，饮杯。喜庆金猪满华堂先嚟道全体
虽然成日话市道唔好，饮食席生意难做，但今晚（周五）嚟到，成个大厅座无虚席，门口亦有少量人等位。
由电话联络问订房详情、最低消费、全包宴资料……等等，都遇到好多问题，佢哋啲回覆次次唔同，对外发放嘅资讯都几乱。最后，就喺拣咗一个「贺寿全包宴」$3,880（星期一至五），算喺包房嘅基本入场费。包茶芥加一，我哋多4位，都无额外收，另送红酒一支加汽水6罐，额外叫嘅汽水，就收番大堂价$10罐。
不过，一围菜绝对唔够我哋16个麻甩佬食，所以，另外加菜，而入房嘅所有小菜、炒粉饭面都要另加$20一碟，额外嘅食物亦会收番加一。影埋个主餐牌及精选餐牌俾大家参考，人少嚟食啲精选套餐都唔错。
所包嘅房唔喺好大，紧紧好摆到张加大嘅16人枱，多一个都已经摄唔到。人齐开席，饮杯。
喜庆金猪满华堂先嚟道全体乳猪过吓口瘾，只乳猪烧得唔差㖞，层皮脆卜卜，皮下脂肪又少。眨吓眼，好似蝗虫经过稻田，成碟乳猪就被我哋处决咗。
阿拉斯加长脚蟹 $1,720长脚蟹喺额外点嘅海鲜，晌主餐牌佢标$360 / 斤，依家做紧特价$188 / 斤，就算入房都喺俾番依个价。建议食法，可以拣日式冻食或花雕蛋白蒸。我哋16个人，就拣咗两只，咁就至少每人有一只蟹脚食。
阿拉斯加长脚蟹
271 浏览
1 赞好
0 留言
上汤焗生猛龙虾（3斤）煎米粉底食完蟹，再嚟就喺龙虾，虽然话得3斤，但载到成碟满晒，绝对够一人一件。而啲龙虾都做得有水准，虾肉好爽弹，上汤焗，添份香味。大多数配伊面底，煎米粉底都喺第一次，米粉煎成好似两面黄咁，不过，未够脆，同埋做薄啲觉得会更好。
上汤焗生猛龙虾（3斤）煎米粉底
117 浏览
0 赞好
0 留言
黑松露鸳鸯虾球全包宴中，可自选热荤两款，共有8款选择，拣咗两款睇落贵价少少嘅：虾球同蟹钳。所谓鸳鸯虾球，就喺黑松露酱炒同粉浆炸，再配西芹。两者都各有特色，前者爽口中又带黑松露香，后者多一层脆卜卜炸皮。
胡麻水耕菜伴炸酿蟹钳另一道热荤酿蟹钳，因为我哋成16个死佬，就自然要加多4只，散叫价每只要$38，基本上唔需要预早订，到时即场落单都可以。啲蟹钳大只又炸得几靓仔，金黄唔油，圈咗啲面粉丝，更香脆，入口又爽鲜，大啖大啖虾胶连蟹肉，认真爽。至于啲水耕菜，死佬即喺死佬，喺唔理会健康嘅事，所以，无乜人吼。
胡麻水耕菜伴炸酿蟹钳
82 浏览
0 赞好
0 留言
淮杞花胶炖海螺小弟喺「无翅之徒」，就梗喺弃翅拣炖汤啦，估唔到个炖汤几足份量，够我哋16人一人一碗，而且，捞起嘅汤渣份量十足，所以，个汤饮落真喺十分清润、好甜。
原条辽参扣鹅掌辽参炆得好软腍，咬落有啲啜口感，而鹅掌扣得好腍滑、好香浓，入晒味；唯一问题喺啲白菜仔嫩就嫩，但有啲苦味，唔算犀利，都仲入到口嘅，哈哈！
清蒸沙巴龙趸斑睇样都应该有3斤重，啲鱼越大条就越难蒸，怕外面熟里面唔熟。难得条沙巴龙趸斑蒸得唔错，因为中间肚位够熟，又无话蒸过笼变嚡，啲肉质的确几嫩滑，蒸得恰到好处，沾少少豉油配点葱，鱼嘅鲜味尽出。
海港一品酱烧鸡去到食鸡就知接近尾声，酱烧鸡其实跟平常酒席见嘅炸子鸡差唔多，老套啲讲，皮脆肉滑，夹嚿打横望望，真喺无乜脂肪，啲肉坚喺嫩滑，味道上虽无惊喜，但手功扎实。
海港一品酱烧鸡
149 浏览
0 赞好
0 留言
幸福长寿伊面叫得贺寿宴，长寿伊面就成为指定嘅单尾，之前嘅菜式都好够份量，反而个伊面相对少，如果平均分，相信每人只有少半碗。质素平平稳稳，至少食落唔会觉得好油。
樱花虾海鲜炒饭 $108就喺因为个菜单只包一道伊面，小弟真喺怕唔够班大佬饱肚，所以，再额外叫两份炒饭。原价喺$88碟，但入房就加多$20。个炒饭无欺场㖞，虽然海鲜唔喺用咩贵价料，但胜在多，樱花虾亦不少，饭底炒得干爽分明，好食。
贺寿大蟠桃同蟹钳一样，跟人头数要额外多4个，都抵加，因为俾返堂食价$10只我哋。每个都做得维妙维肖，够晒大个，有成个拳头大。大家食落先知有两款馅，一款喺预期嘅莲蓉，另一款原来喺奶黄，小弟抽中奶黄，虽然唔喺流沙𠮶只，但啲奶黄都好香好绵，好有蛋香，再者，包身软熟唔黏牙，亦喺出色之处。虽然无话专登嚟贺寿，但祝各位大佬身壮力健，我哋啲死佬饭局年年有今日。
红豆沙个寿宴就无包糖水，但本身晌度食晚饭就有糖水送，向位阿姐问两句，转头就帮我哋拎到糖水嚟。就算无得拣只喺得红豆沙，眼前嘅红豆沙又腍又清甜，加上唔使钱，绝对收货啦。
合时生果唔多讲，睇相就知当日生果喺鲜橙，今晚食咁多肉，好好食多几件生果帮助肠道消化。
整体，海港做菜嘅质素唔差，又有供应好多中平价套餐，喺入房焗食贵嘅套餐及设最低消费先贵一大截。另外，啲宴席碟头都几够份量，服务方面ok啦，其实视乎遇到边位阿姐，主力服务我哋个房嘅阿姐就几好倾，有讲有笑，但另一个间唔时出现帮手嘅阿姐就经常黑面。
张贴
