王家沙 (已結業)

星期六新世纪广场好多人，想食嘅餐厅都排满长龙， 见到王家沙冇人排队有咁多位，所以冲咗入去。记得好早期食王家沙嘅时候响香港仔， 当时间唔中都会去食下嘅，印像都不算太差！ 首先讲下今次佢哋嘅服务态度， 我哋喺门口等带位嘅时候，店员或者经理都好似唔想招呼客人咁， 明明有好多位都要谂好耐， 最紧要系全程冇笑容黑口黑面的！ 之后我们点了苏式鲜肉小笼包$52，鲜肉锅贴$48，上海粗炒$88。 小笼包的味道普通， 鲜肉锅贴上枱的时候是冻的， 上海粗炒份量真系好少， 88蚊嘅价钱， 本身食物已经普通，竟然份量得咁少？ 埋单$242（ 加埋茶位，花生，加一服务费 ）。之后谂下其实自己都蠢咗，向繁忙时间都冇乜人排队点解我都要冲入去？ 都系怪自己太过肚饿， 其实每一间餐厅除咗食物之外， 服务质素真系好重要， 当客人嚟到嘅时候每一个员工都系黑口黑面冇礼貌的， 客人又点会食得开心呢？ 有时餐厅食物质素中等， 调返转店员的服务态度好真系会加分的！