鴻星中菜 (MOKO新世紀廣場)

营业中

休息中

酒楼，始终仲有生存空间，如果唔系难食到回吐，始终唔多限时坐位阔落方便吹水依然系有回头客。九十年代去鸿星用餐系有感去高档次嘅酒楼，点心亦明显比坊间酒楼造型精美具创意。日复日，当其他酒楼啲食品价位都起势飙时，反而拉近咗同鸿星嘅距离。相对系侍应态度始终比一般酒楼殷勤，起码啲伙计讲嘢斯文啲。望住假期嘅餐单都系选择困难，手指一笃都系指向套餐。$328两位用都够3位食。「脆皮烧肉拼蜜汁叉烧」叉烧俾瘦叉，觉得麻麻，而且厚切唔啱瘦叉，变相又硬又嚡口；烧肉就每旧都脆皮，肥瘦每层相间。预咗「鲜果咕噜肉」都冇几多间真正整到酸甜有致、外脆内软、肥瘦有道，呢碟亦流于平庸，酸味占咗最大篇幅，肉质略瘦唔得丰腴。「四季豆牛柳粒」都似用包装雪藏一口牛，不过好多旧都最少两口先咬得哂。搜寻一下，原来执剩呢间同观塘分店，不禁感觉无奈要随波逐流。