影片
更多
2010-11-20
202 浏览
9月12日, 紧接住我嘅生日, 就系我嘅农历生日~ 今晚同家人去食pizza hut, 就近喺石塘咀就有一间~ 星期日晚人流唔多, 不过一坐低就听到个电话不停响, 原来有好多人叫外卖, 唔怪之得堂食冇乜人啦~::: 信用咭扭扭批4人套餐 ::: $418咁啱用开嘅信用咭做紧promotion, 有个平平地又多野食嘅扭扭批套餐~ 一路都未食过扭扭批, 今次试下先~::: 餐汤 :::我就要咗白汤, 有少许鸡肉加蘑菇, 依旧浓郁, 饮咗都已经少少顶肚~::: 双重芝士扭扭批 :::唔好以为因为主角系扭扭批就写佢先, 呢个其实系佢嘅出菜次序~ 一个咁大嘅pizza竟然最早上, 而前菜小食都未上, 嚟到我地都吓一跳, 以为唔系我地嘅… 算喇, 咁就食咗pizza先. 呢个双重芝士扭扭批系冇料拣, 所以佢用嘅料都预咗系普通货色, 有火腿, 虾, 辣肉肠同菠萝… 要讲以外围做特色嘅扭扭批, 一粒一粒圆圆地嘅面包可以扭出嚟, 梅花间竹地以肠仔同芝士做馅~ 特别系特别, 不过食落完全冇惊喜…肠仔馅嘅面包粒十足十面包舖买到嘅肠仔包, 芝士馅嘅亦比较漏, 味道亦唔够突出… 而双重芝士中嘅第二重竟然都只系
::: 信用咭扭扭批4人套餐 ::: $418
咁啱用开嘅信用咭做紧promotion, 有个平平地又多野食嘅扭扭批套餐~ 一路都未食过扭扭批, 今次试下先~
::: 餐汤 :::
我就要咗白汤, 有少许鸡肉加蘑菇, 依旧浓郁, 饮咗都已经少少顶肚~
::: 双重芝士扭扭批 :::
唔好以为因为主角系扭扭批就写佢先, 呢个其实系佢嘅出菜次序~ 一个咁大嘅pizza竟然最早上, 而前菜小食都未上, 嚟到我地都吓一跳, 以为唔系我地嘅… 算喇, 咁就食咗pizza先. 呢个双重芝士扭扭批系冇料拣, 所以佢用嘅料都预咗系普通货色, 有火腿, 虾, 辣肉肠同菠萝… 要讲以外围做特色嘅扭扭批, 一粒一粒圆圆地嘅面包可以扭出嚟, 梅花间竹地以肠仔同芝士做馅~ 特别系特别, 不过食落完全冇惊喜…肠仔馅嘅面包粒十足十面包舖买到嘅肠仔包, 芝士馅嘅亦比较漏, 味道亦唔够突出… 而双重芝士中嘅第二重竟然都只系加多一兜芝士酱, 有名无实, 不如加多十款芝士叫”十全十美芝士扭扭批”啦, 差劲… 而一寸多嘅面包粒外围令到本身个pizza细咗, 反而失去了pizza hut传统pizza嘅风味…
::: 香蒜肉丝意粉 :::
呢个pizza hut嘅招牌菜之一, 经历多年味道仲系咁正! 但系越嚟越细兜, 同埋冇咗蒜蓉包送…
::: 焗肉酱意粉 :::
焗肉酱意粉嘅特色之一系意粉都焗到卜卜脆~ 少少㶶仲够晒香! 但系今次个茄汁有少少过酸…
::: 炒蘑菇配法包 :::
嚟晒pizza, 意粉之后, 小食先至上… 已经食到饱饱地, 好彩呢类小食以少份量出名… 4块超市都买到嘅法包仔, 有脆但冇面粉味, 似摆咗好耐再番烘咁…炒蘑菇有少少蒜蓉牛油香, 仲有洋葱吊味, 味道叫做ok~
::: 小食拼盘 :::
最迟嚟嘅系呢个小食拼盘… 洋葱圈炸到黑麻麻, 炸芝士卖相差, 炸薯条同炸鸡都普普通通, 只系够晒香口, 但系食到饱咗, 已经唔太想食…
::: 汽水任饮 :::
最后不得不提呢个有gimmick, 冇service嘅汽水任饮! 其实一杯咪好地地, 都够饮啦, 而家扮晒高级咁俾人任添, 就出晒事… 叫一次添饮, 等足3个字, 其实攞一jar出嚟倒就得啦… 但又要再落order入厨房叫多一杯饮品, 咁自然地就慢咗啦! 多此一举, 宁愿冇呢个service!
呢间pizza hut出菜嘅服务真系要改善, 同埋以后有任饮都系预咗饮一杯好喇…
张贴
