金香茅泰國菜館 (已結業)

原本与友人想去深水埗区食小菜，但等车等了半个钟都冇车到。 之后谂住转往九龙城区食泰菜，点知... 等车等了十分钟左右，友人开始觉得有点不适，为求尽快揾个地方坐低休息及医肚关系，所以友人便选择到金香茅。其实是次为本人第二次到访，不过今次嘅食物就差咗少少喇！ 生虾刺身︰新鲜、爽口，必吃。 冬荫公 (细)︰椰香适中，味道很好。可惜材料未算丰富，一只虾开四份，汤内共用了一只半虾，略嫌唔够大方。 泰式炒椰菜苗︰第一次食椰菜苗。椰菜苗口感似芥兰，但就完全冇芥兰果阵涩味。此𩠌有用豆板酱炒，不算辣。 海鲜炒粉丝︰卖相不错，可惜味道不行。粉丝一啲就冇乜味，一啲就满口老抽味。劲奇怪... 唔知系咪粉丝比较难炒，令到厨师加色及加味时好唔平均 (见图)。下次再帮衬都唔会再叫呢个。 椰汁西米露︰呢个系送嘅。其实本人不嬲都唔钟意食泰国甜品嘅，因为曾经食过一次有『甜到甩牙』感觉嘅泰国糖水之后，本人就对所有泰国甜品都敬而远之。不过友人强调此糖水《唔会过甜，包你食到》下，本人半推半就试了一口。咦... 真Okay唔太甜㖞，之后我就食哂成碗喇！哈哈...