影片
更多
2022-05-17
1672 浏览
长辈们约好周四晚聚餐，饭前例牌要饮返几轮欢乐时光，眼见大馆就喺餐厅附近，XO仔就提议佢地可以一访人气地标，并于馆内嘅酒吧「The Dispensary」内寻欢。店子嘅位置其实都几隔涉吓，因为大馆门口唔停得车，荷李活道仲要系单程路，对长者及行动不便嘅人仕黎讲绝对有难度；幸好的士司机熟路，指出无障碍出入口就喺警察服务中心门前。不过原来所谓「无障碍」其实只有职员先可以搭升降机直达一楼餐室，好在遇上友善嘅保安员及路人乐意带路，几口子先顺理到步。通往一楼嘅梯级每级都好高吓，除咗年长嘅朋友有微言之外，穿著高踭鞋及窄裙嘅女仕们都感觉有点儿吃力。其实早两日前于网上订座后，翌日即有专人以电话短讯确认，得知当晚八点有个私人派对，小肥都好醒目咁讲明六点前会离开。准时下午四点正出席，大堂明显用作接待三间餐厅客人嘅柜台竟然冇人看管，安心出行更疑似行紧自律模式，匪而所思得有种不祥预兆。等咗五分钟见唔系几对路就探头揾人啦！点知路过𠮶位姐姐仔话佢地六点已经有人包场，最多只可逗留到五点。当日挂咗几次黄雨，室外仍落著滂沱大雨，几位迷途嘅长辈又未抵达，要转地方真系冇可能，从来唔发脾气嘅蕃薯uncle第一个抗议话太不合理了！
店子嘅位置其实都几隔涉吓，因为大馆门口唔停得车，荷李活道仲要系单程路，对长者及行动不便嘅人仕黎讲绝对有难度；幸好的士司机熟路，指出无障碍出入口就喺警察服务中心门前。不过原来所谓「无障碍」其实只有职员先可以搭升降机直达一楼餐室，好在遇上友善嘅保安员及路人乐意带路，几口子先顺理到步。
通往一楼嘅梯级每级都好高吓，除咗年长嘅朋友有微言之外，穿著高踭鞋及窄裙嘅女仕们都感觉有点儿吃力。
其实早两日前于网上订座后，翌日即有专人以电话短讯确认，得知当晚八点有个私人派对，小肥都好醒目咁讲明六点前会离开。准时下午四点正出席，大堂明显用作接待三间餐厅客人嘅柜台竟然冇人看管，安心出行更疑似行紧自律模式，匪而所思得有种不祥预兆。
等咗五分钟见唔系几对路就探头揾人啦！点知路过𠮶位姐姐仔话佢地六点已经有人包场，最多只可逗留到五点。当日挂咗几次黄雨，室外仍落著滂沱大雨，几位迷途嘅长辈又未抵达，要转地方真系冇可能，从来唔发脾气嘅蕃薯uncle第一个抗议话太不合理了！
细阅细佬留有嘅短讯记录后得知七人只为探索下午三点至七点嘅逃狱优惠「Prison Break」，姐姐仔即转軚话如果唔怕佢地set场嘈杂都可以留到五点九嘅，咁大家都觉得情有可原，故怨气亦稍为消除咗啲。
场内并冇其他贵客，可以任坐唔嬲。室内嘅二至多人合并式散座均拍墙而排，一半为梳化位。
室外座位则设于前往洗手间必经之走廊上，高櫈及云石枱全面向广场，落雨天难免会撇水，容易积水及变得湿滑，饮咗两杯后更觉此区属危险地带。
酒吧中央金光闪闪嘅为酒保嘅大舞台，透明度极高。
如相所示，黑白色嘅地砖上可见不少泥积，加上不甚尊重口罩令嘅酒保们对防疫松懈嘅态度，直令卫生水平大打折扣。
早到嘅三人先从「Prison Break」逃狱酒牌点上简单嘅鸡尾酒。以香槟调出嘅「Bellini」（$78）清新清爽，威士忌uncle对其所点嘅「Old Fashion」（$78）都好满意。
Bellini、Old Fashion
$156
33 浏览
1 赞好
0 留言
Old Fashion
$78
27 浏览
1 赞好
0 留言
大馆可算为香港新进景点之一，令人反感在于其交通颇为不便，而且升降机限制奇特不合理。馆内其中一家酒吧「The Dispensary」虽则空间感足，「Prison Break」之鸡尾酒品亦属可口之列，无奈工作人员卫生意识偏低，几位黑面服务生更无视客人嘅存在，职员间有显著嘅沟通问题，发现出错未有适当处理，结果居然仲要玩赶客！即使埋单时免咗几杯饮品以作补偿，同行嘅长辈们都觉得其态度欠缺诚恳，一致裁定酒吧已达完全失救嘅地步，绝对唔会返转头！
张贴
