尚海人家 (譚臣道) (已結業)

同事喺ig碌到介绍呢间上海菜，所以捉左我去一齐试😂。舖头得4个堂食位都颇逼，同埋唔想俾人望住食，所以叫外卖返去。Lunch hour去到前面有几个人，等紧𠮶时愈黎愈多人，心谂可能呢间几正㖞又唔算太贵，点知…🔅上海排骨担担面餐 ($59)拎到返公司都仲热热地，有分汤都贴心。面份量都几多，男士们应该都够食。担担面有肉碎、虾干等等，少辣但太咸☹️，平时食开重口味既我都顶唔顺无食晒😥。猪扒就一般，少少干，浸左汤都还可以，但应该唔系即叫即炸，见到staff喺保温柜拎出黎，所以又扣左啲分。🔅生煎包2只 (跟餐)生煎包皮唔算好薄，一咬就爆晒汁，个底煎到仲好香脆👍🏻。💬整体真系麻麻，可能叫饭会好啲，生煎包都ok，不过同事comment仲衰过我，所以未必有下次😂。