花園餐廳 (已結業)

忽然想锯个扒, 唔使谂一定系平平哋嘅花园餐厅!上到去即刻有位, 睇完menu 就叫咗个肉眼铁板餐+红汤+冻柠水...餐包同红汤一齐上, 个包够热好软熟, 但系个汤好似冇以前咁好味, 而且D 料好明显唔同咗...跟住个扒一上, 侍应问要咩汁, 同佢讲咗黑汁, 点知嚟淋汁𠮶个又问多次... 之前𠮶个系唔系冇同佢讲呢? OK, 呢D 小问题唔会影响我对呢块扒嘅食欲嘅, 二话不说手起刀落!!! 咦????? 吓???!!! 切唔开嘅???? 哗... D 筋好结实呀!!! 出尽力先切开一小块, 一放入口.... oh no... 好似食橡筋咁, 系咁咬系咁咬先勉强吞得落, 我认为每块扒都可能会有少少呢D 情况, 食落去就唔会再系咁, 点知..... 上天原来好喜欢作弄人, 成块扒都系筋, 我就好似傻仔咁食咗一大块橡筋!!!! 有冇搞错呀!!!! 我印象中肉眼系好食过西冷我先叫肉眼啫, 你都唔好咁对我好唔好呀????好失望, 真系好失望, 搞到我杯柠水都冇乜心情饮, 今次冇办法唔畀个喊佢... 下次去都系食番下午茶餐算喇...不过侍应做嘢真系快手, 收碟好快, 仲会抺埋台!!