好品味 (已結業)

今日餐Lunch得我同另一位同事2个人食，记得之前星期日系修顿做野去过一间有韮菜饺拉面食既餐厅，上次冇食到，一直谂住揾次有机会黎食下，今次大好机会，就提出话食呢度喇。黎到等左一阵，有个姐姐带左我地上楼，原来上面都有位坐嫁㖞，上次黎坐下面，都唔觉得佢有2层。黎得呢度就梗系想试下佢个韮菜饺喇~过左阵，个Waitress姐姐话冇当堂唔知叫咩好，连朋友叫肉酱焗饭都冇。大家望望个Lunch Menu，lol有焗肉酱意粉，但冇肉酱焗饭，真搞笑。既然系咁，咁我就要左个咸蛋蒸肉饼饭喇，加多杯上次饮过好好味既雪菊。黎到既时候有少少失望，个卖相真系唔得，试试味，又唔差㖞，几好几好。肉质都唔算好滑，但绝对唔鞋唔硬先，蛋黄有点干，但系weekday食个Lunch姐，都系为左出黎行个圈，医饱个肚姐，要求唔好太高。最后到我最期待既雪菊喇！今次真系大失所望，淡而无味，好似饮紧普通冰水加菊花咁。上次有少少甜味，好香嫁嘛，今次搞咩呢？失望失望…