泰餐館 (已結業)

每年生日都要食一食泰国菜。三年前黎过呢度食，抵食又好味，今年就决定返嚟回味一下。必点既梗系生虾刺身啦，唔食生虾刺身点要做食泰国菜丫。山下肥美大牙，啖啖肉，配料充足，酸辣汁调到啱啱好。值得一赞👍🏼👍🏼然后唔少得嘅梗系冬阴公汤，但令我最失望嘅就系佢，初初饮嘅时候都觉得唔错，但越饮到底，就觉得好咸好重味，好多味精，饮完超级口渴。虾都几多，但可惜琳琳地，唔系好鲜。沙嗲还可以，都系一般般货色。金边粉有啲失望，好甜好多味精。呢个唔知乜嘢菜苗，又嫩又爽口值得一赞，但都系味精重。烧鱿鱼即上即食，烧得唔错几香嘅。最后叫杯珍多冰做结尾，我叫左少冰，椰奶够香。今次食同三年前食嘅味道差好远，价钱都贵好多。如果佢食物质素继续维持而家状况，而家前都系咁贵，我自己就觉得唔抵食啦。希望迟下质素有改善喇。。。顺带一提，如果有老人家或BB车，行动不便嘅朋友就唔好黎呢间啦，因为餐厅位于2楼，一定要行楼梯上去，想试吓佢个生虾刺身嘅就去第二间分店啦。