影片
更多
2014-08-23
2757 浏览
星期六要返半昼，老细冇返可以轻轻松松hea住做同上网，睇到X果报介绍呢间野，话价钱唔平但碟头大，牛腩爽滑云吞足料，令到当时冇食早餐O既我流晒口水，唔鬼理佢当日先开业，一放工就坐车去试。去 到O既时候大约2点，门口企住几十人，如果同屋企人一齐我一定唔等，当日一条冷无所谓啦~一边玩手机一边等，流汗多到用O左一包纸巾，等唔系问题，最惨系 明明入边有几个单人位冇人住，但带位O既男子系都唔安排我呢O的拎一人飞O既入坐，我内心都不期然念O左N句粗口，门口卡位一台都算啦，一家三口，老婆同 个仔都食完玩手机，男人ORDER O既面系都唔黎，黎O左又系错O既要换~FINE~非战之罪，反而旁边一男两女坐三个位再同一个位放袋O既就真系POOR GUY，我拎飞时佢地坐低，我连等到食完埋单走人三条友仲响度死玩电话唔走人，呢点系人O既素质问题，真系要学下日本人食拉面咁，食完即走，要倾就揾居走 屋慢慢坐O个种态度，而带位派飞O既职员又唔醒目，CONFIRM人地三个就俾个单丁人其他人啦~呢样要闹！另外就观察所见，厂房得两个阿叔做野，一个负 责食物一个做水吧，完全出唔切野~好多楼面企响度等野做~呢样要慢慢TUNE~讲返
去 到O既时候大约2点，门口企住几十人，如果同屋企人一齐我一定唔等，当日一条冷无所谓啦~一边玩手机一边等，流汗多到用O左一包纸巾，等唔系问题，最惨系 明明入边有几个单人位冇人住，但带位O既男子系都唔安排我呢O的拎一人飞O既入坐，我内心都不期然念O左N句粗口，门口卡位一台都算啦，一家三口，老婆同 个仔都食完玩手机，男人ORDER O既面系都唔黎，黎O左又系错O既要换~FINE~非战之罪，反而旁边一男两女坐三个位再同一个位放袋O既就真系POOR GUY，我拎飞时佢地坐低，我连等到食完埋单走人三条友仲响度死玩电话唔走人，呢点系人O既素质问题，真系要学下日本人食拉面咁，食完即走，要倾就揾居走 屋慢慢坐O个种态度，而带位派飞O既职员又唔醒目，CONFIRM人地三个就俾个单丁人其他人啦~呢样要闹！另外就观察所见，厂房得两个阿叔做野，一个负 责食物一个做水吧，完全出唔切野~好多楼面企响度等野做~呢样要慢慢TUNE~
讲返食物，等时已经谂好，就一个招牌牛腩饭加一个净云吞，前 者50蚊后者35，价钱于我意义不大，当时我只重视质素，好味O既再贵我都会帮衬。排队时已有好几个阿叔行过又自言自语 咁*!@&^#&! ：「哗～咁Ｘ贵，食Ｘ啦！」我心谂嫌贵就咪食，有个阿叔就讲：「几日就执」，我响内心反驳佢：几日后你仆们黎食呀～
但当我食完之后，我真系好佩服Ｏ个几位阿叔Ｏ既真知卓见，姜系老Ｏ既辣呢点系不能勿视！
净 云吞35蚊我食到5粒加一块皮，仲有两大片生菜，唔知系咪赶开业所以楼面都要帮手包，云吞大小不一，有大有细，虾肉唔太多，感觉冇咩肥肉，冇特别，要讲只 系特别贵，我问两个楼面，净云吞有几多粒，一个话7粒一个话6粒，67都好都系揾笨，同街边一般云吞面舖唔觉有咩分别，汤就好啖下，失望，死人报纸话系猪 骨煲，我估要拎去化验先验到有冇猪骨成份啰～
主菜牛腩饭，又话话全泰国先苗？GOOD~从前唔会响759买米，试完啖饭就确定今生都唔 会，O的饭似系碎米煲O既咁，不过唔算难食，但份死人报纸真系"扇"稿得好紧要，牛腩仲弊，又话大份，又话比其他餐厅多一倍？就垫底萝卜Ｏ既SIZE而言 我是同意的，牛腩本身瘦到不行，干到已经纤维化，稍为用筷子加压，O的肉已经好似海岸公园O的岩石咁呈六角柱状散开，我食O左一小片已经顶唔顺，同个著便服O既人反映，佢OFFER换过俾我，我OK~但再换黎都系一样，点食呀~另一个最大年纪，看似话事人O既黎同我解释，呢煲煲得太耐，所以比较干，明知系咁仲卖？赶住开张同老细交待？做坏招待咪仲衰？佢话再换过俾我，我拒绝，同一煲野点换都系咁，我有谂过不如换牛杂，不过理智话我知都系咪送死，我成碟饭同牛都再食，起身埋单走人，著制服最老资格（个样）Ｏ既男士同我讲SORRY，请我过两日再黎试下俾个机会，我话唔啦~佢冇收我牛腩钱，我亦费时口出恶言~
总括而言，呢餐饭对我而言好奢侈，唔系钱，系时间（套用电视剧对白）！
张贴
