euro go go

营业中

休息中

朗豪坊睇完早场，到一点钟食饭时间，我同朋友都好肚饿，所以就咁喺朗豪坊揾间餐厅食，经过euro gogo，难得食饭时间都仲有空位，所以就入去食饭。星期一至五都有套餐选择，我哋两个人叫咗一碟意粉，一个Pizza ,在加＄6转套餐，食物不过不失。黑松露麦形粉$52原来系外型似饭粒，口感软绵绵似意粉，自己第一次食几得意，但系朋友就唔太钟意，觉得唔似饭又唔似意粉，个酱汁好重黑松露味道，上面有几片蘑菇，但系食得出有味精，食到最尾都唔系太想食。supper pizza$88加套餐加套餐，我哋拣咗田园沙律，同一杯热柠茶，原来热柠茶要另外再加多＄4 ,就觉得唔太值，而且收银完全冇提过我哋，呢度有点减分，个沙律都唔错，好新鲜，配上醋汁，好开胃。Pizza焗得唔够干身，上面明显好多水份，而且个饼底冇彻底切开，番茄酱份量够，亦都够酸，但系芝士就唔系好多，其他嘅配料都不过不失。