混亂 STEAK (已結業)

4月去大阪梅田，阪急嘅三番街Food hall 食过，念念不忘。一知香港都有开就好想食反，5点去到，佢话6点先开始咁坐喺foodhall等一个钟，佢有西冷、牛柳、肉眼，主要系可以order 300g and 400g, 可加钱转餐有埋饭、汤，沙律/汽水。我要咗300g 西冷，$160价钱上系抵嘅，我无转餐。点解我会话失望？！佢系一个个盆排晒系度，（即系好似大家乐个啲咁），排晒喺度晤系问题，但佢连个铁板都喺埋个盆上面就系问题。一块牛扒由生煎到3成都要啲时间架，但块热铁板就喺个盆度，由热都等到冻啦？（现塲啲冷气都好劲吓）日本系块牛扒连铁板由煎牛扒个面成个攞出黎，客人攞嘅时候，个铁板仲系好热“滋滋声”，加埋啲蒜油香到“不得了”🤤🤤🤤。我已经系坐最近攞餐嘅第一张枱，但当我放喺枱面，块铁板已经touch到系冻 😥 ，切开食……又晤可以话系冻，但可以话系室温啰，因为佢切比你睇，磅嘅时候块牛扒系室温嘅，所以就好似只系略为煎一煎就出，如果佢块铁块keep住热的话，咁做法都可以嘅，因为佢系会用两个洋葱圈隔块牛扒，可以有余温热住个扒，但而家完全系两回事！我好似食紧一块放咗喺枱一段时间嘅牛扒。