漁樂 (喜薈商場) (已結業)

间餐厅啱啱开嘅时候，光顾过佢嘅晚市，对佢嘅印象都非常之好，今次屋企冇煮晏昼饭，就去咗试午市，点知就有啲失望。屋企人都叫咗越式汤河，分别系海南鸡同埋牛肉。系足料嘅， 金边粉够多有弹性，仲会落埋洋葱同埋九层塔。佢落九层塔落得一啲都唔孤寒亦都系我其中一个钟意呢间餐厅嘅原因。海南鸡个鸡肉质鲜嫩有鸡味，$45嘅餐嚟讲算系好有份量。失望嘅系青咖喱，个味系完全唔似又唔辣。感觉系食紧葡汁多过青咖喱。呢个鸡扒就偏肥啦，同海南鸡个鸡差得远。啲菜好林。以前叫开一个青咖喱煲嘅水准唔系咁，会有香叶，胡椒，翠玉瓜等等嘅料。冇谂过今次得汁仲要唔系好似咖哩。