潤一潤甜品屋

营业中

休息中

一入到舖头时，点解有阵又暖又湿嘅空气，好似去左啲旧茶记嘅厕所咁，睇真啲原来老板似系觉得出面天气凉，唔开冷气，只系开咗两把风扇，而佢哋又喺入面煮紧嘢，入面就热又湿。我只好坐门口位，无咁焗。讲返啲甜品，叫左老姜番薯糖水，同椰汁喳咋。唔知点解都等好耐先有。番薯糖水都几够姜，几大碗，但稍嫌甜左啲，呢碗整体上系OK嘅。不过个喳咋就，我食完个甜左啲嘅番薯糖水再试喳咋，好淡，食多两啖，有少少甜，但点解咁稀嘅？唔系应该杰身一啲嘅咩。而更差嘅系啲芋头竟然系生水，完全冇品质管理。