影片
营业时间
今日营业
15:00 - 02:00
星期一至日
15:00 - 02:00
以上资料只供参考，请与餐厅确认详情
相关文章
行過離遠見到有3，5 個人響巷仔度排隊，而咁啱間店要開門，好奇就入咗去試試。入到去就心知不妙，成間店瀰漫着一股奇怪既味，好似食物壞咗果種酸臭味餐牌笠痴痴，枱笠痴痴⋯⋯ 但見隔離枱叫左好多野食，諗住呢間野應該係味道取勝，就照叫左兩碗野。綜合涼粉43好大份，紅豆綠豆都好沙，甜度適中，芋圓口感煙韌，但無咩味。最差既係豆花同雞蛋布甸。豆腐花有街市買嘢果種酸叔味，布甸係化學味。豆腐綿綿冰45同份涼粉比細好多，但味道唔錯，淡淡豆腐味，食得多都唔會太膩。
继续阅读
這日和屋企人來到了紅磡吃晚飯，吃飽後我們想吃甜品，就找到了這間在橫街裡的甜品屋滿足一下我們想吃甜點的胃口。☺️我們各自點了三款凍甜點，西瓜西米露($32)、楊枝甘露加芒果🥭雪糕($42)、芒果河粉($36)。🤗天氣熱的時候，最想吃的就是凍冰冰的甜品～😶🌫️有點失望的是這裡的甜品竟然唔夠凍，室溫來，是致命傷，🥲而且西瓜西米露和楊枝甘露比較淡味，好像溝了水，也不太足料。🫠不過我覺得芒果河粉的河粉很特別，吃下去滑溜溜，加上芒果醬汁、椰果和芒果粒一起吃，甜甜的，算很不錯～聽屋企人說原來這間甜品店的老闆娘轉手了，不知道是不是這個原因導致質素下降⬇️了，期待下次光臨的時候能吃到我們滿意的甜品～🥰Info店名：潤一潤（現：甜得起）地址：紅磡湖光街1-7號聯成大廈地下10F號舖
继续阅读
咁啱食完之後諗住打返個食評，發現未有更新。依家已經轉咗做甜得喜。首先去到因為未抹枱，叫左3次先抹得到全張枱，成枱糖水倒瀉都係就咁抹一下，仲直接放咗個Menu 上去其中一次仲不明所以放低左隔離枱舊紙巾比我地之後走左🙄衛生有待改善😅椰汁黑糯米芋薯雙圓芋圓我覺得比較硬身，未係好理想；湯圓正常；甜度唔算好甜ok👌🏻; 芋頭太硬唔ok😅糯米同埋椰汁係OK嘅👍🏻整體嚟講，真係有待改善😅特別員工態度😅
继续阅读
紅磡老字號街坊糖水店 定期返嚟試試佢哋水準 繼續都係咁多人排隊.⭐️牛奶台式刨冰$40 上次22年 賣緊$34🥲每次都會叫呢個尖塔咁高嘅沙冰賣相幾吸引 食嘅時候會驚佢冧樓旁邊有仙草 芋圓 豆腐花 紅豆刨冰主要甜味來源都係煉奶👌🏻仙草 幾滑 👌🏻紅豆👌🏻芋圓 好咬 👌🏻豆腐花豆味重 唔太甜適合夏天食佢 勁消暑.⭐️豆腐雪花冰$45呢一個甜品對比上面 份量唔多但係有驚喜 豆味好重 雪花冰幾綿 入口即溶豆腐味甜品真係冇得輸🤣小丸子 都好咬 軟熟 旁邊有西瓜菠蘿.#hkfunfoodrecord窮遊香港#hkfunfoodrecord_紅磡.#潤一潤甜品屋 (紅磡)地址：紅磡湖光街1-7號聯成大廈地下10F號舖.⭐️評分：味道：3.5/5環境：2/5 都幾迫服務：2.5/5 上次服務1分 今次2.5 回歸正常抵食：3.8/5..#飲食 #美食 #優惠 #抵食 #hk #food #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #黃埔美食 #黃埔必食 #紅磡美食 #紅磡必食 #週末好去處 #土瓜灣必食 #土瓜灣美食 #甜品 #刨冰 #芋圓
继续阅读
唔少餐廳因為農曆新年而休息，就連自己一直都想試嘅陳公館都唔例外😣，所以沿路搵其他甜品店，最後嚟到呢間農曆年期收加一嘅糖水舖。桂花綠豆仙草配芋薯雙圓$49普通仙草都會配紅豆，但小店就配綠豆，兩款屬性都偏涼，一定好下火😂不過，其實唔駛擔心會涼過頭，因為仙草好細舊😐食落幾滑，但偏甜。綠豆沙加入海帶絲同埋我最愛嘅臭草。芋圓三色口感煙韌，但食唔出芋/地瓜味。黑芝麻湯圓有三小粒，芝麻味濃，甜度可接受。另外仲有舊芋頭同雞蛋黃，用料豐富。熱喳咋$22由於屋企人唔中意椰奶，所以揀左加花奶。喳咋質地杰身，但唔係因為豆爆開嘅沙沙口感，而係店家加左西米，西米嘅澱粉令喳咋變杰，食落似埋左芡，我地麻麻地呢個質地😶。楊枝甘露$35小店用上大西粒，食落幾有口味，整體味道正常，但由於最近喺粉嶺聯和墟食左一碗幾高質嘅楊枝甘露，比較之下呢個有少少遜色。牛奶桃膠椰皇燉奶$49齋睇個名都覺得好滋補😏燉奶啱啱熟，好滑溜，奶味唔算好濃，甜度適中，我見好幾位食客都點佢。
继续阅读