Elsie Cafe & Restaurant (已結業)

见到大家对佢有咁好评，终于俾我有时间，上去试试。上到去，因为早（6点）所以唔需要等位，又无咩人，所以感觉ok。坐低后，叫左个 菇rissoto 同 carbonara ， sorry，无影相。话说头盆嘅salad 同 汤都算ok，汤嘅味道偏淡，但直至主菜黎到，就有赞有弹。菇rissoto ：味道浓，但因为里面嘅芝士加cream嘅味道浓，不过最大问题，因为要减低成本，用错菇，平价冬菇带酸味，令到整体跌分，香香嘅cream里面带出酸酸嘅味道。carbonara：错误嘅煮法，落左cream，而唔系传统嘅蛋黄加芝士收水嘅制成品，所以出到黎嘅时候，好似洗湿头发咁，味道普通，只有cream钓味，无左carbonara应有嘅味道。最后，食到尾声，人都开始多，煮野都多左，油烟味简直令我完全透唔到气，咳得好厉害，走时啲衫都沾满油烟味。整体今次话我知，我唔会再返去。