影片
更多
2013-11-30
1259 浏览
有两晚都唔系同老公一齐食饭，所以见今晚可以一齐就决定去旺角食好野。本来想食面，但老公话既然去旺角不如试一直想食既寳寳鸡煲啦！搭车时致电订枱，老公话唔驶架，因为谂住冇乜人，但我见横竖可订，咁照打啦！好彩有做呢个动作，去到店员叫我地等等，我都唔记得左自己有打去订枱，咁老公即同店员讲番我地已订枱，所以即刻入得，仲要坐门口既四人枱，唔错！(门口那张感觉松动啲呢！) 一路食都开始有人等位或陆续翻枱，生意似乎几好咁！坐低先点鸡煲，我就想食麻辣鸡煲，但知道老公唔太钟意麻，所以让佢拣左香辣鸡煲，要左个细(即半只鸡)同少辣。等左大概20分钟左右，鸡煲嚟到了。香气扑鼻，但望落去冇乜色水，汁有点多得滞，唔似平时食开既惹味鸡煲(带干煎/啫啫煲仔菜feel𠮶种)，煮滚了先吃鸡件，果然唔够调味，辣味是有，但又唔甜又唔够盐。食到咁上下我地点既火锅料陆续嚟嘞！我地点左牛肉粒﹑黑豚肉﹑蝴蝶腩(猪肉)﹑猪杂拼盘﹑迷你生根﹑百花酿油条，仲有蔡澜推介既马尾粉丝。牛肉粒坚有牛味，正！黑豚肉样虽靓但唔滑，嚡口！蝴蝶腩唔系度度有但坦白讲，佢冇猪(臊)味又劲嚡，唔值得叫！百花酿油条味道OK，但若果佢既油条系即炸既话就冇得顶了！迷你生
坐低先点鸡煲，我就想食麻辣鸡煲，但知道老公唔太钟意麻，所以让佢拣左香辣鸡煲，要左个细(即半只鸡)同少辣。等左大概20分钟左右，鸡煲嚟到了。香气扑鼻，但望落去冇乜色水，汁有点多得滞，唔似平时食开既惹味鸡煲(带干煎/啫啫煲仔菜feel𠮶种)，煮滚了先吃鸡件，果然唔够调味，辣味是有，但又唔甜又唔够盐。食到咁上下我地点既火锅料陆续嚟嘞！我地点左牛肉粒﹑黑豚肉﹑蝴蝶腩(猪肉)﹑猪杂拼盘﹑迷你生根﹑百花酿油条，仲有蔡澜推介既马尾粉丝。
牛肉粒坚有牛味，正！黑豚肉样虽靓但唔滑，嚡口！蝴蝶腩唔系度度有但坦白讲，佢冇猪(臊)味又劲嚡，唔值得叫！百花酿油条味道OK，但若果佢既油条系即炸既话就冇得顶了！迷你生根冇乜特别，猪杂一般火锅店都有，不过多是散修修逐样点，呢度竟然有拼盘真系啱哂啲多心又得一个人自队既人，即我老公！至于蔡生推介的马尾粉丝，确系弹牙，但味道又唔见特别，错不在佢，系个汤坚淡啫！
总括嚟讲，喺呢间有点大排档feel既火锅店吃淡味鸡煲，价钱绝对唔经济，其他火锅料又唔算特别好味，两个人埋单要4百大元，我谂以呢个笔直喺旺角我可以食得再好啲！这间，去一次便够，唔试唔知佢唔得嘛!!!
张贴
