baby café (已結業)

屋企人成日话听闻呢间嘢唔错, 㖊晚就同屋企人去试, 首先去到见间嘢都有啲人, 七八成满应该唔差, 点知一落单就lai 嘢, 屋企人行到去叫嘢, 个收银哥哥仔一句话等阵先, 都算, 落单佢问我哋跟唔跟饮品或沙律时咬字唔清楚多懒音搞到我哋听唔到佢讲乜, 我话听唔清楚讲多次, 佢眼超超又唔出声, 西口西面, 一眼望落去就知出黎做嘢冇耐, 我都废事出声教醒佢, 我屋企人即刻出声问佢系咪即系点点点先识出声, 到埋位食嘢, 屋企人唔知道水要自己拎, 个侍应话自己去拎啦, 哗乜嘢态度呀而家, 唔可以客气少少??? 啲嘢食黎到, 我叫左个焗大菇蟹肉意大利饭, 分量真系好少, 卖相亦唔吸引, 收我$66, 仲唔包饮品, 呢种质素去萨利x都系$3x, 隔离枱叫左啲扒餐, 望落就真系唔错, 仲猛话好食, 我碟饭除左只菇味道不错其余真系颓食, 事后同屋企人讲返都话试过就算, 冇下次!