TIRPSE

营业中

休息中

香港食贵嘢真系好唔值。放假抗疫抗到痴呆，谂住揾啲好东西刺激吓味蕾。呢间曾经以开业后最快速度摘得东京米芝莲一星的法国餐厅，就趁著放假去品尝一下。粟米汤，用青森粟米，唔够甜，配鱼子酱和北海道海胆，各有各自己的味道，一啲都唔融和。岩手蚝冇蚝鲜，汤底亦只系死咸味，好彩有啲椰菜丝带番清新啲嘅味道。宫崎和牛都算入口即溶，但配搭黑松露太抢，浪费晒，个汁亦发挥唔到提味作用。唯独红菜头蟹肉卷叫做好啲，伴碟用了hazelnut snow系第一次食到呢种味道，沙律菜沾满了红菜头嘅菜甜，叫做特别啲，不过蟹肉都系冇鲜味。甜品系汤叶包住pina cotta和鲜桃肉，有啲姜汁，仲有白朱古力饼碎，配搭peach sorbet，啲鲜桃肉应该有层糖水coating，照计依家都仲算系日本桃嘅时令，啲桃食落去一啲refreshing嘅鲜水果感觉都冇，肉质并不是爽脆那种，而是粉糯的口感。东京叹米芝莲，同一价钱，同等级同类料理，可以食两餐（午餐）。