春蘭冰室 (已結業)

由于喺公司附近，见呢间嘢新开，个装修又几得，所以收咗工去食个下午茶。点咗两个餐，一个炸鸡脾配薯条，一个炸鸡脾配沙律。点餐时候见到可以用佢个apps点餐，于是试下啦。咁个apps都方便嘅，同翻大陆嗌外卖嘅apps差唔多。间冰室当时有三枱人，嘢食都算快上。首先上嘅系炸鸡脾配薯条，哗！见个鸡脾色水几靓又大件㖞！但望真啲，佢似卤水鸡脾多过炸鸡脾🧐所以我都问咗个侍应，佢都同我confirm𠮶件系「炸」鸡脾；再等多阵炸鸡脾配沙律都到埋，再望下个鸡脾😳今次件鸡脾个size系头先𠮶只嘅1/2，除咗细件之外，个样唔多讨好。最奇怪嘅系，后上𠮶件只色系同平时嘅炸鸡颜色一样，即是黄黄地咁，而望上去就好明显真系炸出嚟嘅。虽然心里面觉得奇怪，但因为赶时间，都无再特别问佢点解会咁。两个餐食完之后，comment系，两只鸡脾完完全全唔一样，卤水色𠮶只，完全系好似放咗三日，干咗再拎嚟炸咁无味又硬到好似纸皮咁咬唔开。而另一只细细件𠮶只，无味但起码叫脆嘅；而嘢饮叫咗冻斋同冻柠蜜，正常嘅。可能新试业挂，嘢食暂时真系好唔得，期待你哋有改善啦。同埋⋯我真系好想知道卤水颜色嘅炸鸡脾⋯究竟系咩嚟㗎？