澳葡牛奶餐室 (已結業)

出黎深水埗食tea，附近间间都多人等位，就拣左间无人等兼入面有几张吉枱嘅澳葡牛奶餐室，此澳牛不是彼澳牛😆大家嘅听觉都有啲问题，无法听到店员问咩，而我落单嘅内容店员亦听不懂，真系废了好大劲先落到单，不如餐厅考虑整返个qr code😂⭐蕃茄浓汤牛脷米线朋友点嘅蕃茄汤米线，浓汤欠奉，个汤底基本上无蕃茄味，橙色的清汤😂牛脷煎过味道正常，米线无过淋ok嘅，但如果想食米线的话我就唔推介了。⭐红豆西多士好失望嘅西多士，单片薄切面包，有用蛋浆浸过先炸嘅，但无味㗎…红豆好硬又唔甜，下面有啲白色水但又唔系炼奶黎，感觉似红豆冰拎返出黎嘅红豆😂⭐热柠水全餐最正常嘅野，有三片薄切柠檬浸滚水，稳阵之选👍见餐牌写住加十蚊可以有葡挞，而葡挞又系呢间嘢嘅招牌货，就谂住加一个啦，点知店员话买晒冇啦😂可能米线同西多士都唔系澳葡名物，叫错野食了，呢餐真系坚失望…题外话：枱面、櫈、用具、餐牌都痴立立，希望店家可认真清洁一下💦