口甜舌滑 (已結業)

细细个已经见过呢间糖水舖，咁多年都冇试过就衬今年元宵节帮衬下啦，点知一试就觉得中伏...其实餐牌有写推介系芒果既甜品，不过始终想庆祝节日，所以坚持叫左两碗汤丸。我同宝宝分别叫左荔芋西米芝麻汤丸，同红豆沙汤丸。荔芋西米唔差，都有好少芋头粒。汤丸皮厚馅硬，似系未煮熟晒，或者d料唔好。以为红豆沙最普通，应该实冇死架啦，点知就中伏了...红豆沙味道酸酸的，好奇怪。汤丸照旧硬身厚皮。食食下听到两个侍应讲一阵要去买汤丸，唔知系咪买黎卖架呢🤔希望佢买第二只好食d既牌子。环境比较旧，亦都冇开冷气。空间狭窄，不过侍应几友善既。