樂麵

营业中

休息中

开幕第一日就黎试下，都预左试业时安排会差啲，所以排耐啲排左半个钟都无咩大问题，但系估唔到啲作为一间餐厅最重要嘅食物竟然咁令人失望。个汤的确系好浓。但点左最贵的醉鸡汤底竟然一啲酒香都无。问店员佢话全部汤都系用同一个白鸡汤底，系再加调味变做其他两种，可能调完弱啲唔觉----咁我加廿蚊买个贵啲嘅醉鸡汤黎做乜? 最贵的果碗醉鸡面竟然最少料，荀同菜都无，净得三“片”鸡同一“片”鸭，仲要有雪味。另外果碗胡椒猪肚汤都可以嘅......但净系饮到胡椒嘅辣味，抢哂其他味。份饺子不过不失，无乜特别。价钱方面...去食日本拉面应该同一价钱食得丰富好多啰。最后有样唔明，点解个舖位设计到有两边bar枱但系净系坐到一边人?本来以为佢试业唔够人手先唔放人坐满，但睇真如果另外果边都坐埋咁中间连上菜位都无了。