影片
更多
2013-04-13
38 浏览
今早心血来潮想食猪柳汉堡，经过麦记见到唔算太多人便买个早餐，见自己排第二，正常来说只需等二分钟左右，但等了五分钟了，还是未准备好食物，所以便留意一下为何要等这么耐，发现是厨房的人造唔切野食，要执野食的人等，这时还听到有个经理级的女人对厨房的人说：「呢啲太浓啦，唔好要啦！」 我便望一望个厨房，见到啲包焗浓咗 ，心谂要再等多一阵，但出奇地等多二分钟左右便整好。返到公司，先食个薯饼，好似有少少over cook，不过都可以接受，因为衬热食，所以还很香脆。跟住食个猪柳汉堡，一打开即刻忍唔住「哗！」咗一声，个包系焗浓咗，浓到成个包既边都黑咗之余，连中间都黑黑哋，如果我系堂食，我一定会攞去换，但我又买咗外卖，无得换局住食，惟有搣走浓𠮶啲攞，但个包又焗到硬硬哋，所以搣走浓𠮶啲同时都搣走唔少包，而且搣得唻个包都冻咗，搞到咩心情都无晒，食完个包都唔觉自已食咗野。本来想开开心心食个期待中的猪柳汉堡，结果却令我对这间麦记扣唔少分。(如果我唔系系公司唔方便影相，我一定会拍低啲罪证，失败！)
本来想开开心心食个期待中的猪柳汉堡，结果却令我对这间麦记扣唔少分。
(如果我唔系系公司唔方便影相，我一定会拍低啲罪证，失败！)
题外话/补充资料：
大企业为求赚尽的结果：
1) 好明显系人手唔够，所以厨房做唔切，唔可以做好食物之余，又做唔到快餐应有既效率。
2) 员工培训不足。如果员工本身有足够水准，见到啲食物over cook都会自动唔要，唔驶经理叫。但依家经理开到声都唔理，其水准就更加底。
3) 流失客户。虽然话百物腾贵下，唔可以对平价货太高要求，但始终系食落肚既野，唔可以亳无底线，你要我等我可以忍，但畀啲唔食得既野我食，我重点会想再帮衬？
(以上食记乃用户个人意见 , 并不代表OpenRice之观点。)
张贴