明輝茶餐廳 (已結業)

晚餐谂唔到食乜好，经过明辉，见到晚餐都抵食，有汤有茶有白饭，入去点咗两个晚餐，渔香茄子火腩煲同西兰花炒牛肉。首先上枱系渔香茄子火腩煲，侍应阿姐知我叫咗两个晚餐，一次过上晒两个白饭，真贴心；火腩同渔香茄子汁好咸好咸，茄子汁捞饭都觉得咸，厨师似乎手重咗，好彩茄子冇事，软硬适中，两个人就咁抢食晒尐茄子食，火腩就要逐件放入杯茶度洗过至食得，平时我好少咁做；洗碗阿姐今次真系多得我唔少。西兰花炒牛肉都唔掂，牛肉冇乜味就预咗喇，但西兰花仲差，有少少似牛油味，有少少似。。。。，味道好复杂，唉﹗我都唔识得形容，总之系「奇」味无穷，可能尐西兰花放入雪柜度太耐，吸收咗雪柜其他食材嘅味道啦﹗结果成碟喺番度，我自己都觉得好浪费。呢间餐厅我幇衬过几次，一向都几OK架，唔知点解今次咁失去手势。