橋底辣蟹 (雅閣大廈) (已結業)

真系唔醒起系黄金周，去到桥底辣蟹先醒起，外面排晒长龙。之前桥底辣蟹系我哋食消夜嘅首选，点知今日呢度全部都系大陆嘅同胞。好似全间分店得我哋一台香港人。我哋一坐低就即刻叫嘢食，好多野都卖晒有啲失望。啲𩠌都上得快，但系差唔多碟碟都系冻上。乳鸽冻嘅，炸豆腐冻嘅，桥底辣蟹都系冻嘅，想同侍应理论，但系我唔知佢做乜嘢同我讲英文！究竟是什么态度？佢话wait a minute I am busy 跟住仲走埋。真系食到一肚气。食到中间，仲中场休息添，全体侍应都去晒食饭。我睇过台台客都冇嘢食，心谂有冇搞错！ 炸豆腐唔热而且淋左，完全无味，盐都冇落，简直系劲啊！桥底辣蟹招牌菜，蟹肉鲜味系有嘅，蒜蓉本身味道10分强烈好香，好好味，但系唔热，淋晒，今次失手了，令我们留下一个唔好既回忆。