鳳城酒家 (已結業)

订座的时候，接线生话订名菜，要预先付订金。环境几挤迫，枱同枱之间好贴，食用器具真系一定要讲，污糟到接受唔到啰! 简直想呕， 听屋企人讲，厕所环境更加恶劣添!𩠌菜来说，除咗个金钱鸡和小炒王系煮得比较好食之外，其他的𩠌我都系觉得一般。炸子鸡只鸡唔系新鲜鸡，系雪藏鸡，好大阵雪藏味。百花酿竹笙个虾胶系霉，竹笙有微酸的味道。焗酿蟹盖焗得好㶶，蟹肉都唔系太新鲜，份量亦都好少。西米布甸虽然唔会太甜，但系个面硬掘掘，有啲似年糕。