影片
更多
2021-01-19
791 浏览
屋企人试完之后极力推介比我，勾起我对佢既兴趣，成日试食榜首，适蓬周六，二话不说约埋友人去食。LUNCH时间1点零到达，刚好可以即时入座，但迟多几个字就要等位。估唔到小店午餐有好多选择，另外仲有小食，我同友人都睇到眼花缭乱，样样都想试….结果我拣左屋企人推介既浦烧鳗鱼丼，而友人就柯打火炙海鲜丼，另外再加个小食。午市套餐除左主食，仲会有前菜同生果，前者系中华沙律，味道正常；后者哈蜜瓜就又甜又爽。浦烧鳗鱼丼 $98呢个丼饭好岩男仔食，因为饭量真系好多!! 鳗鱼份量唔算少，不过唔热、令到条鱼即使肥都食唔出鱼油香、亦食唔出有烧汁味；另外，浦烧汁严重不足，白饭系一点鳗鱼汁都无，付上既汁又冻到已成啫喱；北海道流心芝士南瓜饼 $12南瓜已经压成蓉，但都食得出系好棉好粉既南瓜，芝士味浓，不过浓到抢左南瓜味，整体不过不失。火炙海鲜丼 $98内有海胆、三文鱼、带子、穴子海鳗，我同友人一致认同呢个平价穴子海鳗比浦烧鳗鱼饭既鳗鱼好味十倍，起码有鱼香!! 😏其他刺身味道正常，总之比上面个鳗鱼饭好食啦😐，而友人表示系暂时粉岭食过比较好味既日式丼。店内有唔少人点角切刺身丼，望个样都几靓仔，而且价钱比较经济。店内座位同
估唔到小店午餐有好多选择，另外仲有小食，我同友人都睇到眼花缭乱，样样都想试….
结果我拣左屋企人推介既浦烧鳗鱼丼，而友人就柯打火炙海鲜丼，另外再加个小食。
午市套餐除左主食，仲会有前菜同生果，前者系中华沙律，味道正常；后者哈蜜瓜就又甜又爽。
浦烧鳗鱼丼 $98
呢个丼饭好岩男仔食，因为饭量真系好多!!
鳗鱼份量唔算少，不过唔热、令到条鱼即使肥都食唔出鱼油香、亦食唔出有烧汁味；另外，浦烧汁严重不足，白饭系一点鳗鱼汁都无，付上既汁又冻到已成啫喱；
北海道流心芝士南瓜饼 $12
南瓜已经压成蓉，但都食得出系好棉好粉既南瓜，芝士味浓，不过浓到抢左南瓜味，整体不过不失。
火炙海鲜丼 $98
内有海胆、三文鱼、带子、穴子海鳗，我同友人一致认同呢个平价穴子海鳗比浦烧鳗鱼饭既鳗鱼好味十倍，起码有鱼香!! 😏其他刺身味道正常，总之比上面个鳗鱼饭好食啦😐，而友人表示系暂时粉岭食过比较好味既日式丼。
店内有唔少人点角切刺身丼，望个样都几靓仔，而且价钱比较经济。店内座位同走廊都好狭窄；浦烧鳗鱼丼唔推介😫，海鲜刺身会好D，下次有机会会想试角切鱼生。
张贴
