影片
更多
2018-09-08
202 浏览
今日庆祝友人升职，朋友介绍下去呢度试下。午餐时间全部都已预订，感觉上好靠得住！我先到达，店员安排入座寿司吧枱的一角。一路坐等紧朋友时，店员叫我转枱，转去寿司吧的另一角，但没讲原因。OK反正未齐人，又未叫野食，转亦无仿。但再一分钟后，店员又叫我转位，话我坐紧个度系有个客指定要坐的，要让返出黎。以下精彩对话：我：「咁我坐返头先个度，我唔想4个人有1个要坐转角位」店员：「头先个度都系有客订左」我：「我都系订左位架㖞」店员：「因为佢地有讲指要坐边个位、你无」我：「下？咁都有？」店员：「系」我想强调，呢件事情寿司吧的板长(应该系老板)一路睇住，但无出过声。之后到我地叫10件set，最后系无海胆的！而其他枱都系10件，但有海胆/鲍鱼。明显地系因为我地第一次黎的生客，完全唔驶理你的态度，对熟客就俾好野。既然只想做熟客的话，咪学日本咁实行「绍介制」啰，要熟人带先黎得。咁样既omakase，真系祝你快d折埋。食材大部分高级寿司店都不分上下，分胜负就系睇服务，料理创作性，识唔识教个客人品尝旧寿司。以上，呢间店全部都唔得
我先到达，店员安排入座寿司吧枱的一角。一路坐等紧朋友时，店员叫我转枱，转去寿司吧的另一角，但没讲原因。OK反正未齐人，又未叫野食，转亦无仿。
但再一分钟后，店员又叫我转位，话我坐紧个度系有个客指定要坐的，要让返出黎。以下精彩对话：
我：「咁我坐返头先个度，我唔想4个人有1个要坐转角位」
店员：「头先个度都系有客订左」
我：「我都系订左位架㖞」
店员：「因为佢地有讲指要坐边个位、你无」
我：「下？咁都有？」
店员：「系」
我想强调，呢件事情寿司吧的板长(应该系老板)一路睇住，但无出过声。之后到我地叫10件set，最后系无海胆的！而其他枱都系10件，但有海胆/鲍鱼。明显地系因为我地第一次黎的生客，完全唔驶理你的态度，对熟客就俾好野。既然只想做熟客的话，咪学日本咁实行「绍介制」啰，要熟人带先黎得。
咁样既omakase，真系祝你快d折埋。食材大部分高级寿司店都不分上下，分胜负就系睇服务，料理创作性，识唔识教个客人品尝旧寿司。以上，呢间店全部都唔得
张贴