影片
更多
2007-04-23
30 浏览
22 April 2007 (Sun) - Birthday Dinner (9)上网睇到呢度好评都几多，即管来一试！首先佢既门口其实只系一个后门，都唔紧要，入到去环境清幽，只有一张枱系有人，但系居然冇人感应到我哋既存在，我哋己经特登发出啲嘈音，因见个貌似经理既男人喺度serve紧唯一一张枱既人，我都唔好意思阻佢，但我确实会觉得佢系可以拧转面同我哋讲声等等！然后佢终于发现我哋，就领我哋到一张四人枱！店子装修非常简单，可以讲句无睇头，望望张menu，见到佢有个$500 per person 既set dinner，同仲有一个$588既dinner for two！见dinner for two有个海鲜盘，想知道有啲乜，咪举手问𠮶个男经理，佢好快亦好细声地讲咗几样海鲜，我大概都听到既，但正当我想再问佢问题时，佢已经走开咗，我咪同朋友讲’我都未问完，咁快走咗去’，仲要个男经理答问题时面黑黑，毫无表情，亦无为我哋介绍任何好嘢，到底一间法国餐厅系咪应该咁样经营？我唔知，我只知同一条街既其他法国餐厅绝对唔系咁样待客！然后我心已对此店无好感！最后我哋都决定咗叫个dinner for two $588
上网睇到呢度好评都几多，即管来一试！首先佢既门口其实只系一个后门，都唔紧要，入到去环境清幽，只有一张枱系有人，但系居然冇人感应到我哋既存在，我哋己经特登发出啲嘈音，因见个貌似经理既男人喺度serve紧唯一一张枱既人，我都唔好意思阻佢，但我确实会觉得佢系可以拧转面同我哋讲声等等！然后佢终于发现我哋，就领我哋到一张四人枱！店子装修非常简单，可以讲句无睇头，望望张menu，见到佢有个$500 per person 既set dinner，同仲有一个$588既dinner for two！见dinner for two有个海鲜盘，想知道有啲乜，咪举手问𠮶个男经理，佢好快亦好细声地讲咗几样海鲜，我大概都听到既，但正当我想再问佢问题时，佢已经走开咗，我咪同朋友讲’我都未问完，咁快走咗去’，仲要个男经理答问题时面黑黑，毫无表情，亦无为我哋介绍任何好嘢，到底一间法国餐厅系咪应该咁样经营？我唔知，我只知同一条街既其他法国餐厅绝对唔系咁样待客！然后我心已对此店无好感！
最后我哋都决定咗叫个dinner for two $588，贪佢抵食又OK都嘢食！
首先黎个头盘，系seafood platter，份量都唔错，中规中矩，而且系另一个女侍应serve，我心情都好少少！有四只大生蚝，半只蟹，4-5只虾，6只青口，同4-5细螺！份量真系几好，生蚝都几鲜味，唔驶落tobasco同海鲜汁都可以，蟹就只有半只，好难分，蟹肉唔系太多，但系蟹膏则非常多，啱晒我！海螺虽然细只但够爽口，虾仔则无甚特别！至于青口，真好笑，个壳咁大，但系啲肉细得好紧要哩．．．
然后就有个咩’um 春脾’沙律，味道普通啰！再黎就系个汤，我同好友都叫咗南瓜汤，但真系好麻麻，系就系好creamy，但系好奶味啰，比较唔似南瓜！好友饮咗一半就放弃啦！
再黎就系个主菜：牛油魔鬼鱼同白酒青口天使面；魔鬼鱼好多骨，煎得稍㶶，较咸，唔系非常美味；白酒青口天使面好唔得，虽然好大碗，但首先我冇预计系汤上，第二系佢啲青口太多（但细），好难食到下面既天使面，第三系跟本冇白酒味，第四系啲天使面好硬，冇味．．．．
最后个甜品先系最失败同最失望．．．我见有得拣chocolate pudding，心谂今次冇死啦，我最钟意既朱古力软心蛋糕都有，点知-＿-"，想死，原来只系一个好细好细既朱古力布甸．．．．好失望呀，好唔开心．．．
除咗个seafood platter系一赞之外，其他包括男经理，食物，装修，我都不敢恭维．．．
埋单另外仲要加水费$20！
张贴