23
9
4
(非会员)
0
0
2009-01-29 71 浏览
年初三同女朋友去食个afternoon tea,见到个menu既tea set只系净番两个已经先打左个突 (原本系有成四版十几款可以拣),不过新年期间少左选择都无可厚非,算。我点既两个餐,一个系白汁蚬肉磨菇螺丝粉,另一个系烟肉蛋磨菇螺丝粉,等左一阵,佢黎既两个意粉我都觉得错左,一个系龙虾汁磨菇长通粉,另一个怀疑系白汁磨菇螺丝粉。我咪问吓个waitress有冇上错枱啰,ok,龙虾汁𠮶个错左,白汁𠮶个佢话冇错,但系我揾黎揾去都唔见有蚬肉啰,我之前喺其他分店食过都唔系咁样,今次水准真系好差。另一个再上桌既时候,同第一碟既味道差唔多一样,系多左啲干烟肉碎同蛋丝,如果唔系对比番第一碟,我都会觉得可以接受,但系我就好唔钟意佢哋坚持话𠮶个所谓蚬肉螺丝纷系冇问题啰。我啱啱先申请左VIP会员卡,系因为我之前都觉得Spaghetti House啲野食唔错,但系今次真系打左个折扣,希望佢哋只系因为新年人手唔够先至系咁啦。另外,走既时候经过好几个侍应身边都冇人讲声thank you,都希望佢哋改善吓。
年初三同女朋友去食个afternoon tea,见到个menu既tea set只系净番两个已经先打左个突 (原本系有成四版十几款可以拣),不过新年期间少左选择都无可厚非,算。
我点既两个餐,一个系白汁蚬肉磨菇螺丝粉,另一个系烟肉蛋磨菇螺丝粉,等左一阵,佢黎既两个意粉我都觉得错左,一个系龙虾汁磨菇长通粉,另一个怀疑系白汁磨菇螺丝粉。
我咪问吓个waitress有冇上错枱啰,ok,龙虾汁𠮶个错左,白汁𠮶个佢话冇错,但系我揾黎揾去都唔见有蚬肉啰,我之前喺其他分店食过都唔系咁样,今次水准真系好差。另一个再上桌既时候,同第一碟既味道差唔多一样,系多左啲干烟肉碎同蛋丝,如果唔系对比番第一碟,我都会觉得可以接受,但系我就好唔钟意佢哋坚持话𠮶个所谓蚬肉螺丝纷系冇问题啰。
我啱啱先申请左VIP会员卡,系因为我之前都觉得Spaghetti House啲野食唔错,但系今次真系打左个折扣,希望佢哋只系因为新年人手唔够先至系咁啦。
另外,走既时候经过好几个侍应身边都冇人讲声thank you,都希望佢哋改善吓。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
人均消费
$55 (下午茶)